پاکستان سپر لیگ (پی ایس ایل) سیزن 6 میں شامل جنوبی افریقہ کے کھلاڑی ڈیل اسٹین کمنٹیٹر کے تبصرے پر برہم ہو گئے۔
جنوبی افریقہ کے کھلاڑی ڈیل اسٹین کوئٹہ گلیڈی ایٹرز کی جانب سے کھیل رہے ہیں۔ کوئٹہ گلیڈی ایٹرز اور پشاور زلمی کے میچ کے دوران کمنٹیٹر کے ذاتی نوعیت کے تبصرے پر ڈیل اسٹین برہم ہو گئے۔
ڈیل اسٹین نے سماجی رابطے کی ویب سائٹ ٹوئٹر پر لکھا کہ کون سا کمنٹیٹر تھا جس نے کہا کہ میری زندگی بحرانی کیفیت کا شکار ہے ؟
Question
Which commentator said I have a mid life crisis?— Dale Steyn (@DaleSteyn62) February 27, 2021
ڈیل اسٹین نے اپنے ٹوئٹ میں کمنٹیٹر کا نام تو نہیں لیا لیکن انہوں نے اشارتاً بتا دیا کہ وہ کس کی بات کر رہے ہیں۔
کوئٹہ گلیڈی ایٹرز کے پشاور زلمی کے درمیان میچ کے دوران جب ٹی وی اسکرین پر ڈیل اسٹین کو دکھایا گیا تو کمنٹیٹر نے تبصرہ کرتے ہوئے کہا تھا کہ ایسے بالوں سے بحرانی کیفیت کا احساس ہوتا ہے۔
ڈیل اسٹین نے اپنے ٹوئٹ میں کہا کہ کنٹیٹر کا کام کرکٹ پر تبصرہ کرنا ہے اس لیے وہ وہی کیا کریں۔ اگر وہ اپنا وقت کسی کی ذاتی زندگی، وزن اور اسٹائل پر تبصرہ کریں گے تو ان کی نظر میں ایسے فرد کے لیے بطور انسان کوئی عزت نہیں۔
If your job is to talk about the game, then do that.
But if you use that airtime to abuse anyone for their weight, sexual choices, ethnic backgrounds, lifestyle etc or even hairstyles, then im afraid I have no time for you as a human.
You and anyone else like that to be fair.— Dale Steyn (@DaleSteyn62) February 27, 2021
ڈیل اسٹین نے ٹوئٹر پر لکھا کہ پاکستان میں ایک بار پھر ہجوم کے سامنے کھیل کر انہیں اچھا لگا، بدقستمی سے گلیڈی ایٹرز کی ٹیم میچ ہاری لیکن ٹیم بقیہ میچز میں کم بیک ضرور کرے گی۔
That’s all I have to say.
It was a great time last night, fantastic to play in front of crowds again, cricket is so much better that way.
We lost but hopefull to pull it together in our remaining games.
Thanx for the support
Have a great weekend everyone— Dale Steyn (@DaleSteyn62) February 27, 2021
