اسلام آباد: چیئرمین چائنہ پاکستان اکنامک کوریڈور (سی پیک) اتھارٹی عاصم سلیم باجوہ نے سی پیک منصوبوں پر سست روی کا تاثر مسترد کر دیا۔
سماجی رابطوں کی ویب سائٹ ٹوئٹر پر شیئر کیے گئے پیغام میں انہوں نے لکھا کہ سی پیک کا کام پوری طرح جاری ہے۔
Some detractors giving false impression of #CPEC being slowed.Not only pace of work on projects picked up recently,a great deal ground work done to launch phase-2.Coming soon;$ 7.2 Bn ML-1, two Hydel Power projects investing $3.5 Bns, SEZs,&agriculture.Scope actually enhanced
— Asim Saleem Bajwa (@AsimSBajwa) June 17, 2020
چیئرمین سی پیک اتھارٹی عاصم سلیم باجوہ کا کہنا تھا کہ سی پیک کے فیز2 پر کام بھرپور طریقے سے جاری ہے، بعض گمراہ کن عناصر سی پیک منصوبوں پر سست روی کاجھوٹا تاثر دے رہے ہیں۔
انہوں نے تحریر کیا کہ 7 ارب 20 کروڑ ڈالر کے ایم ایل ون منصوبے پر کام ہو رہا ہے جب کہ ساڑھے 3 ارب ڈالر کے پن بجلی کے 2 منصوبوں پر بھی کام جلد شروع کر دیا جائے گا۔
یہ بھی پڑھیں: وزیراعلیٰ بلوچستان سے عاصم سلیم باجوہ کی ملاقات، سی پیک منصوبوں پر تبادلہ خیال
عاصم سلیم باجوہ نے ٹوئٹر پیغام میں تحریر کیا کہ حالیہ دنوں میں سی پیک منصوبوں پر کام کی رفتار کو تیز کر دیا گیا ہے، سی پیک فیز ٹو کے گراوَنڈ ورک کو مکمل کرلیا گیا ہے۔