اسلام آباد: مشیر تجارت عبدالرزاق داؤد نے کہا ہے کہ ٹیکسٹائل شعبے کی منڈیوں تک رسائی میں حکومت بھرپور تعاون کرے گی۔
مشیر تجارت عبدالرزاق داؤد نے لاک ڈاون سے متعلق سماجی رابطے کی ویب سائٹ ٹوئٹر پر لکھا کہ مغربی ممالک رفتہ رفتہ کھل رہے ہیں اور وہ نئے تجارتی آرڈرز دے رہے ہیں۔
انہوں نے کہا کہ اکثریتی آرڈرز کورونا وائرس سے پہلے کے ہیں تاہم ٹیکسٹائل انڈسٹری کو چاہیے کہ وہ ان مواقع سے بھرپور فائدہ اٹھائے۔
The west is slowly opening up and there are trickles of orders coming in. These orders are in different segments to where we were prior to the Coronavirus. 1/2
— Abdul Razak Dawood (@razak_dawood) April 23, 2020
عبدالزاق داؤد نے کہا کہ ٹیکسٹائل شعبہ منڈیوں تک رسائی حاصل کر سکتا ہے اور حکومت اس سلسلے میں بھرپور تعاون کرے گی۔
I’m appealing to our textile industry to take full advantage of these new opportunities to enter new segments and new geography. The govt will support you completely. 2/2 @ansukhera @aliya_hamza @pid_gov @ImranKhanPTI @PTIofficial
— Abdul Razak Dawood (@razak_dawood) April 23, 2020
دوسری جانب اسٹیٹ بینک نے قرض پر شرح سود 4 فیصد سے کم کر کے 3 فیصد کر دیا ہے۔ اسٹیٹ بینک کے مطابق ملازمین کو تنخواہوں کی ادائیگی آسان بنانے کے لیے ری فنانس اسکیم متعارف کرائی گئی۔ جس میں ضمانت کے تقاضوں میں نرمی اور چھوٹے کاروباری حضرات کے درخواست فارم کو آسان بنا دیا گیا ہے۔
اسٹیٹ بینک نے اجرتیں وصول کرنے کے لیے ملازمین کے خصوصی کھاتوں کے علاوہ دیگر آسانیاں بھی پیدا کی ہیں۔ جن اداروں نے جیب سے اپریل کی تنخواہیں ادا کی ہیں وہ بھی یہ رقم حاصل کرسکیں گے۔
مزید پڑھیں: کورونا وائرس کے لمبے عرصے تک رہنے کا خدشہ
اس کے علاوہ سٹیٹ بینک نے اب بینکوں کو اجازت دی ہے کہ وہ قرض گیروں سے ایس ایم ایز سے سپلائی چین روابط رکھنے والی کمپنیوں کی کارپوریٹ ضمانتوں پر فنانسنگ فراہم کریں۔
