اسلام آباد: پاکستانی فلم انڈسٹری کی معروف اداکارہ مہوش حیات ایک مرتبہ پھر نئے تنازع کی زد میں آ گئی ہیں اورسوشل میڈیا پر انہیں شدید تنقید کا بھی سامنا کرنا پڑ رہا ہے۔
حال ہی میں تمغہ امتیاز حاصل کرنے والی ادارکارہ سے ایک نجی تقریب میں صحافی نے کشمیر سے متعلق سوال کیا تو انہوں نے کہا کہ اس پر بات کرنے سے منع کیا گیا ہے۔
“اے پتر ہٹاں تے نئیں ویکدے “سے “کشمیر پر بولنے سے منع کیا تک کا سفر “ pic.twitter.com/WbQexZb99Q
— Rabiaftab (@rabi822) September 29, 2019
ان کے انٹرویو کا یہ کلپ سوشل میڈیا پر وائرل ہونے کے بعد ٹوئٹر پر لوگوں نے انہیں تنقید کا نشانہ بنانا شروع کر دیا۔
سینئر صحافی حامد میر نے بھی مطالبہ کیا کہ اداکارہ اپنے اس بیان کی وضاحت کریں، ان کا کہنا تھا کہ مہوش حیات یہ بتائیں کہ انہیں کس نے کشمیر پر بات کرنے سے منع کیا ہے، آزادی رائے پر پابندی آئین کے آرٹیکل 19 کی خلاف ورزی ہے۔‘
مسلسل تنقید کا سامنا کرنے کے بعد بالآخر مہوش حیات نے ناقدین کو جواب دے دیا۔
ٹوئٹر سے جاری اپنے پیغام میں انہوں نے کہا کہ سوشل میڈیا پر جو ویڈیو لیک کی گئی ہے اس میں میری بات کو سیاق وسباق سے ہٹا کر پیش کیا گیا ہے۔
The leaked video is being taken out of context. I’ve been the most vocal on #Kashmir issue globally & will continue to do so. I have big plans for next steps. This was a charity event & was requested by the PR not to be political ¬ distract from the orphans I was there to help
— Mehwish Hayat TI (@MehwishHayat) September 29, 2019
انہوں نے واضح کیا کہ وہ کشمیر کے معاملے پرملک اور بیرون ملک میں سب سے زیادہ آواز اٹھانے والوں میں سے ہیں۔
انہوں نے بتایا کہ وہ یتیم بچوں کے لئے منعقد کئے گئے ایونٹ میں شریک تھیں جس کی انتظامیہ نے انہیں سیاسی مسائل پر بات نہ کرنے کی درخواست کی تھی۔
