اسلام آباد:پٹرولیم مصنوعات کی قیمتوں میں 12 روپے تک اضافے کی سمری وزارت خزانہ کو بھیج دی گئی۔ اوگرا نے وزارت خزانہ کو سمری ارسال کی۔
ذرائع کا کہنا ہے کہ پٹرول کی قیمت میں 11.92 روپے اورہائی سپیڈ ڈیزل 11.17 روپے مہنگا کرنے کی سفارش کی گئی ہے ۔
مٹی کا تیل 6.50 اورلائٹ ڈیزل آئل کی قیمت میں 6.65 روپے اضافہ کرنے کی سفارش کی گئی ہے۔
وزیراعظم پٹرولیم مصنوعات کی قیمتوں میں کمی بیشی کی حتمی منظوری دیں گے۔ پٹرولیم مصنوعات کی قیمتوں میں اضافہ کا اعلان 31 مارچ کوکیا جائےگا۔ پٹرولیم مصنوعات کی نئی قیمتوں کا اطلاق یکم اپریل سے ہوگا۔
یاد رہے گزشتہ ماہ پیٹرولیم مصنوعات کی قیمتوںمیں اضافے کی سمری وزارت توانائی کو بھجوائی گئی تھی ۔
ہم نیوز کے مطابق ہائی اسپیڈ ڈیزل کی قیمت میں نو روپے چوالیس پیسے، مٹی کے تیل کی قیمت مین آٹھ روپے چھ پیسے اور لائٹ ڈیزل کی قیمت میں پانچ روپے بارہ پیسے فی لٹر اضافے کی سفارش کی گئی تھی ۔
تاہم حکومت نے پیٹرول کی قیمت میں 2.50 روپے فی لیٹر اضافہ کیا تھا۔
پیٹرول کی قیمت میں ڈھائی روپے اضافے کے بعد نئی قیمت 92 روپے 88 پیسے ہوئی ۔
ہائی اسپیڈ ڈیزل 4.75 روپے فی لیٹر مہنگا کر دیا گیا ہے، جس کے بعد ہائی اسپیڈ ڈیزل کی نئی قیمت 111.43 روپے فی لیٹر مقرر کرکی گئی ۔
مٹی کے تیل کی قیمت میں 4 روپے فی لیٹر اضافہ ہوا مٹی کے تیل کی نئی قیمت اب 86.31 روپے ہو گئی
لائٹ ڈیزل بھی 2.50 روپے فی لیٹر مہنگا کیا گیاجس کے بعد لائٹ ڈیزل کی نئی قیمت 77.53 روپے مقرر کی گئی۔
اوگرا نے ڈیزل کی قیمت میں گیارہ روپے اور مٹی کے تیل کی قیمت میں چھ روپے کے اضافے کی سفارش کی ہے، اس سے پہلے حکومت تیل کی مد میں ستر ارب روپے سے زیادہ ٹیکس ریلیف دے رہی ہے، اب بھی ان سفارشات پر حتمی فیصلہ عوام کے مفاد کوسامنے رکھ کر کیا جائیگا۔
— Ch Fawad Hussain (@fawadchaudhry) March 29, 2019
دوسری جانب وزیر اطلاعات و نشریات فواد چوہدری نے اپنے ٹوئٹر پیغام میں کہا کہ اوگرا نے ڈیزل کی قیمت میں گیارہ روپے اور مٹی کے تیل کی قیمت میں چھ روپے کے اضافے کی سفارش کی ہے۔
ان کا کہنا تھا کہ اس سے پہلے حکومت تیل کی مد میں 70 ارب روپے سے زیادہ ٹیکس ریلیف دے رہی ہے۔
فواد چوہدری کا مزید کہنا تھا کہ اب بھی ان سفارشات پر حتمی فیصلہ عوام کے مفاد کو سامنے رکھ کر کیا جائے گا۔
