اسلام آباد: پاکستانی دفتر خارجہ کے ترجمان ڈاکٹر فیصل نے کہا ہے کہ بھارت کی جانب سے ڈوزیئر کو مسترد کیے جانے کی خبریں بے بنیاد ہیں۔
انہوں نے اپنے ایک ٹویٹ میں کہا کہ بھارت کے بھیجے گئے ڈوزیئر کا پاکستان میں جائزہ لیا جارہا ہے۔
We have seen the news report in “India Today” which claims that Pakistan has ‘rejected’ the dossier given by India about the attack in Pulwama. This is incorrect. Dossier is being examined and we will soon convey our considered view on it.
— Dr Mohammad Faisal (@ForeignOfficePk) March 7, 2019
انہوں نے لکھا کہ بھارت کی جانب سے ایسا کہنا کہ پلوامہ حملوں کے ڈوزیئر کو پاکستان نے مسترد کردیا ہے بالکل غلط ہے۔ ہم بہت جلد اس پر اپنا اظہار خیال کریں گے۔
یہ بھی پڑھیں: بال اب بھارت کے کورٹ میں ہے:ڈی جی آئی ایس پی آر
واضح رہے ایک ہفتے قبل بھارت کی جانب سے پلوامہ حملوں سے متعلق ڈوزیئر دفتر خارجہ کو موصول ہوا تھا۔
ترجمان دفتر خارجہ ڈاکٹر فیصل نے کہا تھا کہ بھارت سے موصول ہونے والے ڈوزیئر کا دفتر خارجہ میں مشاہدہ کیا جائے گا اور ڈوزئیر میں موجود قانونی شواہد کا جائزہ لیا جائے گا۔
انہوں نے کہا تھا کہ اگر ثبوت اس قابل ہوئے کے اس پر کارروائی کی جائے تو پاکستان ضرور کارروائی کرے گا جب کہ وزیر اعظم پاکستان عمران خان بھی اس حوالے سے واضح اعلان کر چکے ہیں۔
واضح رہے کہ وزیر اعظم عمران خان کی جانب سے پلوامہ واقعہ کی تحقیقات اور مذاکرات کی پیشکش ایک بار پھر دہرائے جانے کے بعد بھارتی نے ڈوزیئر قائم مقام پاکستانی ہائی کمشنر کے حوالے کیے۔
