اسلام آباد: وزیر اعظم عمران خان نے کہا ہے کہ اراکین اسمبلی ایگزٹ کنٹرول لسٹ (ای سی ایل) میں نام آنے پر اتنے خوفزدہ کیوں ہیں۔ ابھی تو بہت سا کام ہونا باقی ہے۔
وزیر اعظم عمران خان نے سماجی رابطے کی ویب سائٹ ٹوئٹر پر سوال اٹھایا ہے کہ کچھ قانون ساز ملک سے باہر جانے کے لیے اتنے مضطرب کیوں ہیں وہ اس سرزمین سے محبت کے دعوے تو بہت کرتے ہیں لیکن بیرون ملک کے دورے بھی کرنا چاہتے ہیں۔
Why are some of our lawmakers so scared of the ECL? Why are they so keen to go abroad? There is so much work to be done by politicians in & for Pak – the land they claim to love but some cannot wait to take frequent trips abroad & lawmakers have iqamas or residencies abroad.
— Imran Khan (@ImranKhanPTI) January 17, 2019
عمران خان نے کہا کہ اراکین اسمبلی کے پاکستان میں کرنے کے لیے بہت سے کام ابھی باقی ہیں لیکن انہیں بیرون ملک جانے میں بہت دلچسپی ہے جب کہ بہت سے اراکین اسمبلیوں کے پاس تو بیرون ملک اقامے اور رہائش بھی موجود ہے۔
وزیر اعظم نے ان تمام باتوں کے بعد سوال اٹھایا ہے کہ کیا کوئی شخص اس معاملے پر وضاحت کر سکتا ہے ؟