اسلام آباد: معروف امریکی گلوکار، ہدایتکار اور سماجی کارکن ایکون پاکستان کا دورہ کریں گے اور اس سے قبل انہوں نے اپنے پیغام میں پاکستانی عوام سے ڈیمز فنڈ میں حصہ لینے کی درخواست کی تھی۔
پاکستان تحریک انصاف کی سوشل میڈیا ٹیم کی جانب سے ایکون کے بھیجے پیغام کا خیرمقدم کرتے ہوئے ان کا شکریہ ادا کیا گیا ہے۔
Thanks @Akon for the amazing message for PM Pakistan @ImranKhanPTI
International celebrities touring Pakistan isn’t a far-fetched notion anymore. PTI SMT warmly welcomes renowned singer Akon to the Land of Hospitality, the Land of Pakistan. pic.twitter.com/GpxVmBqAJX
— Tehreek-e-Insaf (@InsafPK) January 12, 2019
اپنے ٹویٹر پیغام میں پی ٹی آئی کی جانب سے کہا گیا ہے کہ معروف شخصیات کا دورہ پاکستان اب خام خیالی نہیں رہی۔
ٹویٹر پیغام میں کہا گیا ہے کہ پاکستان تحریک انصاف کی سوشل میڈیا ٹیم معروف گلوکار ایکون کو پاکستان کی سرزمین پر خوش آمدید کہتی ہے۔
اس سے قبل اپنے ٹویٹر پیغام میں گلوکار ایکون کا کہنا تھا کہ اقوام متحدہ کی ایک رپورٹ کے مطابق 2025 تک پاکستان میں پانی کے ذخائر تقریباً ختم ہو جائیں گے۔
Wow, the #DamFund now has international stars appealing for funds. pic.twitter.com/x2QFLqtByW
— Ovais Jafar (@ovaisjafar) January 15, 2019
ایکون کا کہنا تھا کہ وہ دنیا بھر میں مقیم تمام پاکستانیوں سے درخواست کرتے ہیں کہ وہ ڈیم بننے میں مدد کریں، تاکہ ہم پاکستان کو ایک محفوظ مستقل دے سکیں۔
واضح رہے کہ معروف گلوکار ایکون نے اپنے ویڈیو پیغام میں پاکستان آنے کی خبر دی تھی۔
شیڈول کے مطابق امریکی گلوکار 26 اپریل کو کراچی اور 29 کو لاہور میں اپنے فن کا مظاہرہ کریں گے۔ وہ عالمی فٹبال کپ کے حوالے سے پاکستان میں منعقد ہونے والی تقریب میں بھی شرکت کریں گے۔
ایک پریس ریلیز کے مطابق ورلڈ ساکر اسٹارز کے تحت انٹرنیشنل فٹبال کے ساتھ انٹرنیشنل میوزک بھی پاکستان میں متعارف ہوگا۔
پاکستان آمد کے حوالے سے بات کرتے ہوئے 44 سالہ نوجوان گلوکار کا کہنا تھا کہ ’’پاکستان کے عوام سے ملنے کا وقت آ چکا ہے۔ بہت جلد ’ٹچ اسکائی‘ گروپ کے ہمراہ کراچی اور لاہور آنے کے لیے تیار ہوں۔
