شعیب اور ثانیہ کے بیٹے کی تصاویر سوشل میڈیا پر وائرل

November 3, 2018
ویب ڈیسک

اسلام  آباد: پاکستانی کرکٹر شعیب ملک اوران کی اہلیہ ٹینس اسٹار ثانیہ مرزا کا بیٹا پیدائش کے پانچ روز کے بعد ہی سوشل میڈیا پر چھا گیا جبکہ ساتھ ہی ثانیہ مرزا نے پیدائش سے ہی اپنے بیٹے کی کرکٹ کی تربیت بھی شروع کردی ہے۔

ٹینس اسٹار نے ٹویٹ کے ذریعے نہ صرف مداحوں کو اسپتال سے گھر آنے کی خبر دی بلکہ پانچ روز کے چھوٹو اذہان کی ٹیلی وژن پر کرکٹ دیکھتے ہوئے تصویر بھی شیئر کی۔

شعیب ملک اور ثانیہ مرزا کے ہاں بیٹے کی ولادت

ٹویٹ میں ثانیہ مرزا نے بتایا کہ گزشتہ کئی دن سے وہ اپنے بیٹے کے ساتھ شعیب ملک کی ٹیسٹ سیریز دیکھ رہی ہیں۔ انہوں نے اپنی اور اذہان کی میچ دیکھتے ہوئے تصاویر بھی شئیر کیں۔

ثانیہ کی ٹویٹ پر شائقین کی جانب سے مبارک باد دی گئی اور نیک تمناؤں کا اظہار بھی کیا گیا۔ جس پر ثانیہ مرزا نے اپنے تمام شائقین اور دوستوں کا شکریہ بھی ادا کیا۔

شعیب ملک اور ثانیہ مرزا کے گھر ننھے مہمان کی آمد 29 اکتوبر 2018 کو ہوئی ہے۔ شعیب ملک نے سماجی رابطے کی ویب سائٹ پر ٹویٹ کے ذریعے اپنے والد بننے کا اعلان کیا تھا جبکہ شعیب ملک اور ثانیہ مرزا نے بچے کی پیدائش سے قبل ہی بچے کا خاندانی نام ’ مرزا ملک ‘ رکھ لیا تھا۔


ٹیگز :
متعلقہ خبریں
بھارتی اداکارہ

کامیابی کیلئے خاندان کے وقت کی قربانی دی، بھارتی اداکارہ

معروف فنکار کبریٰ خان اور گوہر رشید کا شادی کا اعلان
ہانیہ عامر اور راکھی

راکھی جی جلدی سے آجائو، میں آپ کا ایئر پورٹ انتظارکر رہی ہوں، ہانیہ عامر