لاس اینجلس: چاند پر اترنے والے دوسرے خلا نورد ڈاکٹر بزایلڈرین نے اپنی 93 ویں سالگرہ پر شادی کر لی۔ انہوں نے یہ اطلاع سماجی رابطوں کی ویب سائٹ ’ٹوئٹر‘ پر دی ہے۔
ناسا نے چاند کی نئی تصویر شائع کر دی
خلانورد ڈاکٹربزایلڈرین نے چوتھی شادی لاس اینجلس میں جمعہ کے دن اپنی پرانی دوست ڈاکٹر اینکا فاؤر کے ساتھ کی ہے۔
On my 93rd birthday & the day I will also be honored by Living Legends of Aviation I am pleased to announce that my longtime love Dr. Anca Faur & I have tied the knot.We were joined in holy matrimony in a small private ceremony in Los Angeles & are as excited as eloping teenagers pic.twitter.com/VwMP4W30Tn
— Dr. Buzz Aldrin (@TheRealBuzz) January 21, 2023
ڈاکٹر بز ایلڈرین نے اس حوالے سے اپنے ٹویٹ پیغام میں لکھا ہے کہ آج میری 93 ویں سالگرہ ہے، آج مجھے لیونگ لیجنڈز آف ایوی ایشن کی طرف سے اعزاز دیا جائے گا تو ایسے میں مجھے یہ اعلان کرتے ہوئے ازحد خوشی محسوس ہو رہی ہے کہ میری دیرینہ محبت ڈاکٹر اینکا فاؤر اور میں شادی کے بندھن میں بھی بندھ گئے ہیں۔
کہکشاؤں کی کھوج، ناسا کی نئی دوربین خلا میں سن شیلڈ کھولنے میں کامیاب
انہوں نے لکھا کہ ہم لاس اینجلس میں ایک چھوٹی سی نجی تقریب میں شادی کے مقدس بندھن میں بندھے ہیں اور ایسے پرجوش ہیں کہ جیسے کوئی بھی گھر سے بھاگ کر شادی کرنے والا نوجوان جوڑا ہوتا ہے۔
بز ایلڈرین کی پہلی شادی 1954 میں جان آرچر سے ہوئی تھی جو 1974 میں اختتام پذیر ہو گئی تھی، اس شادی سے ان کے تین بچے جیمز، جینس اور اینڈریو ہیں۔
انسانوں کو چاند پر بھیجنے کیلئے ناسا اسپیس ایکس کی خلائی گاڑی استعمال کرے گا
انہوں نے اس کے بعد 1975 میں بیورلی وان زیل سے شادی کی جو تین سال بعد 1978 میں طلاق پر ختم ہوئی جب کہ تیسری شادی 1988 میں لوئس ڈریگس کینن سے ہوئی اور یہ شادی بھی طلاق پر ہی 2012 اپنے انجام سے دو چار ہوئی۔
ایلڈرین کمانڈر چاند پراترنے والے پہلے شخص نیل آرمسٹرانگ کے ساتھ 1969 کے اپولو 11 چاند مشن کا حصہ تھے وہ مشن کا آخری زندہ رہ جانے والا فرد بھی ہیں۔
اس مشن میں چاند پر آرمسٹرانگ نے ایلڈرین کی تصویر کھینچی تھی جس میں وہ چاند کی سطح پر کھڑے امریکی جھنڈے کو سلامی دیتے ہوئے دکھائی دیے تھے۔
ناسا کے خلائی جہاز کی زمین پر واپسی
مشہور خلائی مشن کا حصہ بننے سے پہلے بز ایلڈرین نے کورین جنگ میں امریکی فضائیہ کے ساتھ بطور فائٹر پائلٹ خدمات سر انجام دی تھیں۔
