شارجہ: پی ایس ایل کی ٹیم کراچی کنگز کے کپتان عماد وسیم کی غیر موجودگی میں اوئن مورگن ٹیم کے کپتان مقرر کر دیے گئے ہیں۔
کراچی کنگز کے آفیشل ٹویٹر اکاؤنٹ پر جاری بیان کے مطابق اوئن مورگن کپتان عماد وسیم کی انجری کے باعث ٹیم کی قیادت کریں گے۔
Breaking News: In the absence of injured Imad Wasim who has been advised couple of days rest, KK is proud to announce England T20 and ODI Captain Eoin Morgan as the new skipper of #KarachiKings @Eoin16 @Salman_ARY #HBLPSL3 @thePSLt20 pic.twitter.com/rqKvFr09d1
— Karachi Kings (@KarachiKingsARY) March 14, 2018
انگلش بلے باز نیوزی لینڈ کے خلاف کھیلی جانے والے سیریز میں شرکت کی وجہ سے کنگز ٹیم کا حصہ نہیں بن پائے تھے۔ تاہم گزشتہ روز انہوں نے کنگز کو دبئی میں جوائن کیا تھا۔
کراچی کنگز کے کپتان عماد وسیم انجری کے باعث ٹیم سے باہر ہو گئے تھے۔ انہیں ڈاکٹرز نے آرام کا مشورہ دیا تھا۔
عماد وسیم ایونٹ کے 19ویں میچ میں لاہور قلندرز کے خلاف سہیل خان کا کیچ پکڑتے ہوئے گر کر زخمی ہو گئے تھے۔
Karachi Kings' fielding has been the highlight of the match, Imad Wasim takes a decent grab but lands backwards on his head.
Ball by ball action: https://t.co/ntrsp8QPe9#PSL2018 #KKvLQ pic.twitter.com/Pb7HrgUieB
— Cricingif (@_cricingif) March 11, 2018
کنگز نے اب تک ایونٹ کے 8 میچز کھیلے ہیں۔ ٹیم پوائنٹس ٹیبل پر 9 پوائنٹس کے ساتھ تیسری پوزیشن پر موجود ہے۔
کراچی کی ٹیم اپنا نواں میچ 15 مارچ کو پشاور زلمی کے خلاف جب کہ دسواں میچ 16 مارچ کو اسلام آباد یونائیٹڈ کے خلاف کھیلے گی۔