پاکستان کو دنیا کا سستا ترین ملک قرار دے دیا گیا، ورلڈ اسٹیٹکس کی رپورٹ میں بتایا گیا کہ روزمرہ اشیا،غذا اور رہائش پاکستان کو سستا ملک بناتی ہیں۔
ورلڈ اسٹیٹکس نامی ویب سائٹ نے پاکستان کودنیا کا سب سے سستا ملک قرار دے دیا، پاکستان میں ضروریات زندگی کی قیمت، یوٹیلیٹی آئٹمز،رہائش بشمول کرایہ کم ہے جبکہ روز مرہ کی اشیا، غذا،مقامی افراد کی قوت خرید پاکستان کو دنیا کا سستا ملک بناتی ہیں۔
رپورٹ کے مطابق مارچ 2023 میں دنیا کے سب سے بڑے ڈیٹا بیس نے بھی پاکستان کو سب سے سستا ملک قرار دیا تھا، مختلف تنظیموں اور کمپنیوں کی طرف سے پاکستان کو مسلسل سستے ترین ملک کے طور پر درجہ دیا گیا ہے۔
ورلڈ اسٹیٹکس نامی ویب سائٹ کا کہنا تھا کہ پاکستان کا شمار ان ممالک میں ہے، جن کے رہائشیوں کے پاس زندگی کی بہترسہولتیں ہیں، عالمی اعدادوشمار کے مطابق 23-2022 میں مہنگائی کی شرح درج ذیل ہے۔
وینزویلا میں 398 فیصد، شام 252 فیصد، لبنان 139 فیصد مہنگائی ہے جبکہ ترکی میں 47.83 فیصد، مصر میں 36.5فیصد اور پاکستان میں 26.89فیصد مہنگائی ہے۔
متعدد اقتصادی اور سیاسی چیلنجز کے باوجود پاکستان معاشی ترقی اپنانے میں کامیاب رہا، حکومت پاکستان کا مہنگائی کو قابل انتظام سطح تک کنٹرول کرنا قابل تعریف ہے۔
ورلڈ اسٹیٹکس کے مطابق پاکستان کی معاشی صورتحال کے بعد مزید بہتری کے آثار دکھائی دے رہے ہیں، آئی ایم ایف سے 3 بلین ڈالر کا اسٹینڈبائی ارینجمنٹ انہیں اثرات میں سے ایک ہے۔
پاکستان نے آئی ٹی،غیر ملکی سرمایہ کاری کے ساتھ مختلف شعبوں میں خاطرخواہ ترقی کی گزشتہ 2سالوں میں ترسیلات زر، اسٹاک ایکسچینج،برآمدات میں مثبت رحجانات دیکھے گئے، جس میں پاکستان کی جی ڈی پی،گندم پیداوار میں اضافہ، سی پیک منصوبے،برآمدات،ترسیلات شامل ہیں۔
