نئی دہلی: ورلڈ کپ 2023 کے سیمی فائنل کی دوڑ سے بنگلہ دیش باہر ہونے والی پہلی ٹیم بن گئی۔
بھارت میں جاری ورلڈ کپ 2023 کا 28واں میچ نیدرلینڈز اور بنگلہ دیش کی ٹیموں کے درمیان کلکتہ کے ایڈن گارڈنز گراؤنڈ میں کھیلا گیا تھا جس میں نیدرلینڈز نے کامیابی حاصل کر کے بنگلہ دیش کو ورلڈ کپ کی دوڑ سے باہر کر دیا۔
ورلڈ کپ 2023 میں بنگلہ دیش اب تک 5 میچز میں شکست کھا چکا ہے اور ٹیم کا رن ریٹ بھی سب سے خراب ہے۔ نیدرلینڈز سے شکست کے بعد بنگلہ دیش کی ٹیم سیمی فائنل کی دوڑ سے باہر ہو گئی۔
NETHERLANDS BAG THEIR SECOND WORLD CUP WIN!
They have stunned Bangladesh in Kolkata with another clinical defence with the ball 🤯 https://t.co/FSyCI6pTry #NEDvBAN #CWC23 pic.twitter.com/jMoPNJKqBI
— ESPNcricinfo (@ESPNcricinfo) October 28, 2023
واضح رہے کہ نیدرلینڈز نے ٹاس جیت کر پہلے بیٹنگ کرنے کا فیصلہ کیا جو درست ثابت ہوا اور مقررہ اوورز میں بنگلادیش کو جیت کے لیے 230 رنز کا ہدف دیا گیا تاہم ہدف کے تعاقب میں بنگلادیش کی پوری ٹیم 42.2 اوورز میں 142 رنز بنا کر آل آؤٹ ہو گئی جبکہ نیدر لینڈز نے ٹورنامنٹ میں دوسری کامیابی اپنے نام کر لی۔
