پشاور میں ایم ڈی کیٹ ٹیسٹ میں نقل کرنے والے طلبہ پر 2 سال کے لیے پابندی عائد کر دی گئی۔
خیبر میڈیکل یونیورسٹی نے طلبہ پر پابندی عائد کرنے کے حوالے سے جاری اعلامیے میں کہا ہے کہ 219 طلبہ پر 2 سال کے لیے ایم ڈی کیٹ ٹیسٹ دینے پر پابندی عائد ہو گی۔ وہ امتحان میں حصہ نہیں لے سکیں گے۔
اعلامیے میں کہا گیا ہے کہ طلبہ پر پابندی ایٹا کی تفصیلی رپورٹ کی روشنی میں لگائی گئی ہے۔
خیبر پختونخوا میں ایم ڈی کیٹ ٹیسٹ منسوخ کر دیا گیا ، دوبارہ منعقد کروانے کی منظوری
واضح رہے کہ 10 ستمبر کو ایم ڈی کیٹ ٹیسٹ میں مختلف مراکز میں طلبہ بلیو ٹوتھ ڈیوائسز اور دیگر ذرائع سے نقل کرتے ہوئے پکڑے گئے تھے۔ جس کے بعد خیبر پختونخوا کابینہ نے ٹیسٹ کو منسوخ کر دیا تھا۔
