پاکستان کرکٹ ٹیم کے وکٹ کیپر بلے باز محمد رضوان کے بعد آل راونڈر فہیم اشرف بھی اسرائیل کی غزہ پر وحشیانہ بمباری کے خلاف بول پڑے۔
سماجی رابطے کی ویب سائٹ ایکس پر جاری کردہ ٹویٹ میں انہوں نے گزشتہ رات غزہ میں ہونے والے ہولناک حملے پر افسوس کا اظہار کیا۔ انہوں نے غزہ کے ہسپتال کی تصویر شیئر کی جس میں اسرائیلی بمباری کے بعد کے مناظر دکھائی دے رہے ہیں۔
محمد رضوان نے اپنا پلیئر آف دی میچ ایوارڈ فلسطینیوں کے نام کردیا
فہیم اشرف نے اپنی ٹویٹ میں دعائیہ کلمات لکھتے ہوئے کہا کہ ‘اے پروردگار عالم تو مدد فرما اپنے حبیب کے صدقے مسلمانوں سے راضی ہو جا۔’
قومی کرکٹر 7 اکتوبر سے مسلسل فلسطینیوں کے حق میں سوشل میڈیا پر اسرائیل کی بربریت کے خلاف آواز اٹھا رہے ہیں۔
اے پروردگار عالم تو مدد فرما اپنے حبیب کے صدقے مسلمانوں سےراضی ہو جا ۔آمین#FreePalestine_Now #Gaza #Pakistan #Iran #Egypt #Turkey #SaudiArabia #OIC #un https://t.co/eOIdYwSgG2
— Faheem Ashraf رانا فہیم اشرف (@iFaheemAshraf) October 17, 2023
خیال رہے کہ اس سے پہلے قومی کرکٹر محمد رضوان نے بھی بھارت میں جاری آئی سی سی ون ڈے ورلڈکپ کے میچ میں پاکستانی ٹیم کی جیت کو فلسطینیوں کے نام کیا تھا۔
