انٹرنیشنل کرکٹ کونسل (آئی سی سی) ون ڈے ورلڈکپ کے آفیشل ترانے کی ویڈیو میں دیگر کپتانوں کے ہمراہ پاکستان کرکٹ ٹیم کے کپتان بابر اعظم کی جھلک بھی دکھائی گئی ہے۔
آئی سی سی کی طرف سے آئندہ ماہ بھارت میں کھیلے جانے والے ورلڈکپ کیلئے آفیشل ترانہ گزشتہ روز ریلیز کیا گیا۔ میزبان بھارت کی طرف سے بنائے جانے والے اس ترانے میں نامور بھارتی اداکار رنویر سنگھ جلوہ دکھاتے ہوئے نظر آئے۔
بھارتی صحافی وکرانت گُپتا بھی آئی سی سی ورلڈکپ کے ترانے سے مایوس
ویڈیو بلاگنگ ویب سائٹ یوٹیوب پر جاری کی گئی آفیشل ترانے کی ویڈیو میں ایک ٹرین کا منظر دکھایا گیا ہے جس میں مختلف ممالک سے تعلق رکھنے والے شائقین موجود ہیں۔
ویڈیو کے دوران ورلڈکپ میں حصہ لینے والی ٹیموں کے کپتانوں کی تصاویر کی جھلک دکھائی گئی ہے جس میں کپتان بابر اعظم بھی دکھائی دے رہے ہیں۔ اس کے علاوہ بھارت کے روہت شرما اور بنگلہ دیش کے شکیب الحسن بھی نظر آرہے ہیں۔
King Babar Azam in ICC Anthem💯🙌.#BabarAzam #WorldCup2023 #WC2023 pic.twitter.com/ZzwSIElFl1
— Shaharyar Ejaz 🏏 (@SharyOfficial) September 21, 2023
خیال رہے کہ اس سے پہلے بھارتی کی طرف سے جاری کیے گئے ورلڈکپ پرومو میں کپتان بابر اعظم کو ون ڈے فارمیٹ میں نمبر ون بلے باز ہونے کے باوجود مکمل طور پر نظر انداز کیا گیا تھا۔
