معروف صحافی سید طلعت حسین کے خاندان کے فرد کو اسلام آباد میں ریسٹورنٹ سے واپسی پر لوٹ لیا گیا۔
سماجی رابطے کی ویب سائٹ ایکس پر جاری کردہ ٹویٹ میں انہوں نے اس افسوسناک واقعے سے متعلق آگاہ کیا۔ انہوں نے بتایا کہ ‘میرے گھر کے فرد کو اسلام آباد کے مونال ریسٹورنٹ سے واپسی پر گن پوائنٹ پر لوٹ لیا گیا۔’
طلعت حسین نے بتایا کہ ‘یہ واقعہ رات 9 بج کر 20 منٹ پر پیش آیا جب موٹر سائیکل پر سوار 2 اسلحہ بردار ملزمان نے گھر والوں کا قیمتی سامان چھین لیا۔ ہمارے لیے یہ ایک بڑا صدمہ ہے۔’
Family member robbed at gunpoint returning from Monal restaurant. Major trauma. It was 9:20 pm. Two gunmen riding a bike. Hold-up lasted 10 mnts.
— Syed Talat Hussain (@TalatHussain12) September 12, 2023
خیال رہے کہ دامن کوہ اور مونال ریسٹورنٹ سے واپس آنے والی سڑک پر لوٹ مار سے متعلق شہریوں کی طرف سے پہلے بھی شکایات موصول ہوچکی ہیں۔
