ارجنٹینا: جنوبی امریکہ کے ملک ارجنٹینا میں بدترین مہنگائی کے باعث لوگوں نے دکانیں لوٹنا شروع کر دیں۔
غیر ملکی خبر رساں ایجنسی کے مطابق ارجنٹینا میں بدترین معاشی بحران اور بڑھتی ہوئی مہنگائی کے باعث لوٹ مار کے واقعات میں اضافہ ہو گیا ہے اور اب شہریوں نے دکانیں ہی لوٹنا شروع کر دیں۔
دکانوں میں لوٹ مار کے باعث کئی کاروباری افراد نے خوف کے باعث اپنی دکانیں ہی بند کر دیں جبکہ کچھ دکانداروں نے اپنے سرمائے کی حفاظت کے لیے اسلحہ رکھ لیا۔
غیر ملکی خبر رساں ایجسنی کی جانب سے جاری کردہ ایک سی سی ٹی وی فوٹیج میں دیکھا جا سکتا ہے کہ لوگ کس طرح ایک دکان سے لوٹ مار کر رہے ہیں جبکہ کاؤنٹر سے کیش بھی نکال کر فرار ہو گئے۔
A spate of looting of stores and supermarkets around Argentina has led to dozens of arrests, a possible sign of increasing volatility with inflation over 100% and a tense race to general elections in October https://t.co/LqwJarOuho pic.twitter.com/pNBUWi6hWK
— Reuters (@Reuters) August 24, 2023
ارجنٹینا پولیس نے لوٹ مار میں ملوث کئی شہریوں کو گرفتار بھی کر لیا جبکہ ارجنٹائن کے صدر البرٹو فرنینڈس نے لوگوں سے اپیل کی ہے کہ وہ امن و امان کی صورتحال کو برقرار رکھیں۔
