پاک افغان سیریز دوسرا ون ڈے، قومی ٹیم کیلئے سنہری موقع

دوسری طرف افغانستان کے خلاف کھیلے جانے والے میچز میں اگر پاکستان کو کسی ایک میچ میں بھی شکست ہوتی ہے تو قومی ٹیم رینکنگ میں تیسرے نمبر پر آجائے گی۔ اس طرح بھارت اور آسٹریلیا دونوں رینکنگ میں پاکستان سے آگے نکل جائیں گے۔

آئی سی سی ون ڈے رینکنگ کی بات کی جائے تو اس وقت پاکستان دوسرے نمبر پر موجود ہے جبکہ بھارت کا تیسرا نمبر ہے۔ پانچ مرتبہ آئی سی سی ون ڈے ورلڈکپ کا اعزاز اپنے نام کرنے والی آسٹریلیا رینکنگ میں سرِفہرست ہے۔

ہم ورلڈ کپ جیت چکے ہیں دو مرتبہ ایشیا کپ بھی جیتا ہوا ہے، ذکاء اشرف

خیال رہے کہ پاک افغان سیریز کے بعد ایشیا کپ میں نیپال اور بھارت کو شکست دینے کی صورت میں قومی ٹیم 121 پوائنٹس حاصل کرلے گی۔ اس وقت پاکستانی ٹیم کے 116 اور بھارت کے 113 پوائنٹس ہیں۔

خیال رہے کہ پاکستان نے پہلے میچ میں حریف ٹیم کو آؤٹ کلاس کرتے ہوئے 142 رنز سے کامیابی حاصل کی تھی۔ پہلے ون ڈے کے ہیرو حارث رؤف رہے جنہوں نے صرف 18 رنز دے کر 5 وکٹیں حاصل کی تھیں۔