پیمرا ترمیمی بل 2023 سینیٹ سے منظور کرلیا گیا، سینیٹ میں پیمرا ترمیمی بل کے 18 شقوں کی منظوری دے دی گئی۔
وفاقی وزیر اطلاعات مریم اورنگزیب کی جانب سے پیمرا ترمیمی بل ایوان میں پیش کیا گیا۔ پیمرا ترمیمی بل 2023 ایوان میں کثرت رائے سے منظور کرلیا گیا۔
اس موقع پر سینیٹر سیف اللہ ابڑو نے اعتراض اٹھایا کہ وزیر اطلاعات نے بل واپس لیا اب کیسے پیش کیا جاسکتا ہے؟ بل کو کمیٹی میں بھیجا جائے، عجلت میں دوبارہ کیوں لایا جارہا ہے؟
مریم اورنگزیب کا پیمرا ترمیمی بل واپس لینے کا اعلان
دوسری طرف سینیٹر مشتاق احمد کا کہنا تھا کہ میڈیا ورکرز کی بروقت تنخواہوں کی ادائیگی پر سب متفق ہیں۔ انہوں نے مزید کہا کہ چیئرمین پیمرا کی مدت ملازمت کی کوئی حد ہونی چاہیے، چیئرمین پیمرا کی تعیناتی پارلیمانی کمیٹی کرے۔
