قومی ٹیم کے معروف سابق کھلاڑی شاہد آفریدی نے کہا ہے کہ مجھے ورلڈکپ 2023ء میں عمر اکمل کی جگہ نظر نہیں آتی۔
ایک انٹرویو میں سابق آل راؤنڈر سے عمر اکمل بارے پوچھے گئے سوال کا جواب دیتے ہوئے کہاکہ عمر اکمل میرے پسندیدہ کھلاڑیوں میں رہا ہے مگر اس نے اپنی فٹنس پر دھیان نہیں دیا ہے۔
شاہد آفریدی کا کہنا تھا کہ عمر اکمل کی قومی ٹیم میں شمولیت کے حوالے سے میری جانب سے کوئی سپورٹ نہیں، دیگر کھلاڑیوں کی نسبت انہیں اپنی فٹنس پر کام کرنے کی ضرورت ہے۔
بھارت میں ورلڈکپ جیت کر ہندوستان کو تھپڑ لگا کر واپس آئیں، شاہدآفریدی
شاہد آفریدی سے جب آئی ایم ایف سے جان چھڑانے کے متعلق سوال کیا گیا تو انہوں نے کہا کہ ہمارے وزراء پروٹوکولز اور دیگر لوازمات ختم کر دیں تو ہمیں کسی کے پاس جانے کی ضرورت نہیں پڑے گی۔
بلوچستان کے حوالے سے ان کا کہنا تھا کہ اگر بلوچستان کو تھوڑا پاؤں پر کھڑا کریں تو دنیا ہم سے مدد مانگے گی۔
