موسمیاتی تجزیہ کار جواد میمن کا کہنا ہے کہ جون میں کراچی میں پری مون سون بارشوں کا آغاز ہوسکتا ہے، جون میں سندھ اور جنوب مشرقی بلوچستان میں پری مون سون کی اچھی بارشیں متوقع ہیں۔
مئی کا پورا مہینہ کیسا گزرے گا؟ محکمہ موسمیات کی بڑی پیشگوئی
نجی ٹی وی جیونیوز کےمطابق جواد میمن کا کہنا ہے کہ کراچی میں ابرآلود موسم کے باوجود حبس کی کیفیت ہے، بحیرہ عرب میں سمندری ہواؤں کی رفتار میں بھی اضافہ ہوا ہے، سمندری ہواؤں کےباعث نمی کا تناسب زائد رہتا ہے، نمی کا تناسب زائد ہونےسےگرمی کی شدت 4 سے 5 ڈگری زیادہ ہے۔
رواں سال بھی شدید بارشیں اور سیلاب ،پیشگی خبردار کردیا گیا
موسمیاتی تجزیہ کار کے مطابق جون میں کراچی میں پری مون سون بارشوں کا آغاز ہوسکتا ہے، سندھ اور جنوب مشرقی بلوچستان میں پری مون سون کی اچھی بارشیں متوقع ہیں، اس کے علاوہ پنجاب کے چند علاقوں میں بھی معمول سے زیادہ بارشیں متوقع ہیں۔
جواد میمن کا کہنا ہےکہ ایل نینو سرگرم ہونے پر سندھ اور بلوچستان میں معمول سےکم بارشیں ہوسکتی ہیں۔
