بھارت میں ہونے والے کرکٹ ورلڈ کپ 2023 کا پاک بھارت ٹاکرا بھارتی شہر احمد آباد کے اسٹیڈیم میں متوقع ہے۔
بھارتی میڈیا کی رپورٹس کے مطابق رواں سال آئی سی سی ون ڈے کرکٹ ورلڈ کپ کی میزبانی کرنے والے بھارت نے وینیوز شارٹ لسٹ کرنا شروع کردیے۔ ورلڈکپ کے میچز کیلئے ناگپور، بنگلور، گوہاٹی، حیدرآباد، کولکتہ، تریوندرم، ممبئی، دہلی، لکھنؤ، راجکوٹ، اندور اور دھرم شالہ کے اسٹیڈیمز کو شارٹ لسٹ کیا گیا ہے۔
کیا پاکستان بھارت میں کھیلے گا؟ بھارتی میڈیا کا دعویٰ سامنے آ گیا
بھارتی میڈیا نے امکان ظاہر کیا ہے کہ ورلڈکپ میں ہونے والے پاک بھارت ٹاکرے کیلئے احمد آباد میں موجود بھارت کے سب سے بڑے اسٹیڈیم ‘نریندرا مودی کرکٹ اسٹیڈیم’ کا انتخاب کیا گیا ہے۔
‘نریندرا مودی اسٹیڈیم’ تماشائیوں کی گنجائش کے حوالے سے کرکٹ کا سب سے بڑ اسٹیڈیم ہے جس میں 1 لاکھ سے زیادہ تماشائیوں کے بیٹھنے کی گنجائش موجود ہے۔
بھارتی میڈیا کے مطابق بھارت کے میچز کیلئے 7 وینیوز کا انتخاب کرلیا گیا ہے جس میں 2 میچز احمد آباد میں رکھے گئے ہیں۔ ورلڈکپ کے دیگر میچز کے وینیوز کا اعلان بھی جلد متوقع ہے۔
دنیا کے دس امیر ترین کرکٹرز کون؟کتنے پاکستانی شامل؟جانیے
خیال رہے کہ ورلڈکپ 2023 کا آغاز 5 اکتوبر اور اختتام 19 نومبر تک ہونے کا امکان ہے۔
