افغانستان: خواتین کے تنہا پارکس اور ریسٹورنٹس میں جانے پر پابندی لگادی گئی


طالبان نے افغانستان میں فیملیز اور خواتین کے ریسٹورنٹس میں کھانا کھانے اور پارکس میں جانے پر پابندی عائد کر دی۔

بین الاقوامی خبر رساں ادارے ڈیلی میل کے مطابق افغانستان کے صوبے ہرات میں افغان انتظامیہ کی طرف سے تصدیق کی گئی ہے کہ خواتین کو ریسٹورنٹس اور پارکس میں جانے سے روک دیا جائے گا۔

طالبان انتظامیہ کے مطابق ہرات میں خواتین پر لگائی گئی پابندی علماء کی طرف سے شکایات کے باعث عائد کی گئی ہے۔ علماء نے کہا ہے کہ ریسٹورنٹس اور پارکس میں خواتین کی بے پردگی ہوتی ہے۔

افغان خواتین پر این جی اوز میں کام کرنے پر پابندی تباہ کن قرار

یہ بھی ذہن میں رہے کہ افغانستان کے صوبے ہرات میں غیر ملکی فلموں، ٹی وی شوز اور میوزک کی ڈی وی ڈی فروخت کرنے پر بھی مکمل طور پر پابندی عائد ہے۔

خیال رہے کہ اس سے قبل افغان حکومت کی جانب سے افغانستان کے شہر ہرات میں مرد اور خواتین کے ایک ساتھ ریسٹورنٹس میں بیٹھ کر کھانا کھانے اور ایک ساتھ پارکس میں جانے پر بھی پابندی عائد کی گئی تھی۔


متعلقہ خبریں