لاہور: اسلام آباد پولیس نے کہا ہے کہ قانونی کارروائی کی راہ میں غلط بیانی پر عمران خان کے چیف آف اسٹاف سینیٹر شبلی فراز کے خلاف کارروائی ہو گی۔
مجھے راستے ہٹانے کی کوشش کی جا رہی ہے، چیف جسٹس کو خط لکھ رہا ہوں، عمران خان
چیئرمین پی ٹی آئی عمران خان کی رہائش گاہ زمان پارک لاہور پہ اسلام آباد پولیس گئی تھی تو وہاں موجود پارٹی رہنماؤں کی جانب سے مؤقف اختیار کیا گیا کہ سابق وزیراعظم رہائش گاہ پر موجود نہیں ہیں۔
اسلام آباد پولیس نے اس حوالے سے سماجی رابطوں کی ویب سائٹ ’ٹوئٹر‘ پر اپنا مؤقف جاری کیا ہے۔
پی ٹی آئی رہنماؤں نے کہا کہ عمران خان رہائش پر موجود نہیں۔
قانونی کاروائی کی راہ میں غلط بیانی سے کام لینے پر شبلی فراز کے خلاف کاروائی کی جائے گی-
پی ٹی آئی رہنماؤں نے یقینی دہانی کروائی کہ وہ قانون پر عمل کریں گے اس لئے ہم امید کرتے ہیں کہ وہ عدالت پیش ہوں گے۔
1/2— Islamabad Police (@ICT_Police) March 5, 2023
اسلام آباد پولیس کے مطابق پی ٹی آئی رہنماؤں نے یقین دہانی کروائی کہ وہ قانون پر عمل کریں گے، اس لیے ہم اُمید کرتے ہیں کہ وہ عدالت میں پیش ہوں گے، ہم امن و امان کو برقرار رکھنے کی ہرممکن کوشش کریں گے۔
نوازشریف تھوڑی سی بہادری عمران خان کو ادھار دے دیں، مریم نواز کا طنز
واضح رہے کہ 28 فروری کو اسلام آباد کی عدالت نے توشہ خانہ ریفرنس میں فوجداری کارروائی کے کیس میں عمران خان کے ناقابلِ ضمانت وارنٹِ گرفتاری جاری کیے تھے۔