بیروت: لبنان میں سرکاری خبر رساں ایجنسی کے آرکائیو سے 1961 سے لے کر اب تک تصاویر پر مشتمل سرور کو چوری کر لیا گیا۔
غیر ملکی خبر رساں ایجنسی کے مطابق لبنان کی سرکاری خبر رساں ایجنسی سے چور کئی کمپیوٹرز بھی لے اڑے۔ سیکیورٹی اور قانونی اداروں نے واقعے کی تحقیقات شروع کر دیں۔
لبنان کی نگران حکومت کے وزیر اطلاعات زیاد المکاری نے کہا کہ جو کچھ ہوا ہے وہ ایک قومی جرم ہے اور تحقیقات میں کوئی کسر نہیں چھوڑیں گے۔
یہ بھی پڑھیں: اسرائیلی کارروائیاں انسانیت کے خلاف جرم ہیں، او آئی سی
واضح رہے کہ لبنان گزشتہ کئی ماہ سے سیاسی بحران کا شکار ہے اور مقامی کرنسی لیرا ڈالر کے مقابلے میں اپنی 95 فیصد اہمیت کھو چکا ہے۔ کئی سرکاری ادارے اپنے دفاتر میں آنے والے ملازمین کی تعداد میں کمی اور نقل و حمل کے زیادہ اخراجات کی وجہ سے سیکیورٹی اور تحفظ کے ملازمین میں کمی کا شکار ہیں۔
