اسلام آباد: ملک میں ہونے والے بجلی کے طویل بریک ڈاون کی وجہ سے کئی شہروں میں انٹرنیٹ اور موبائل سروسز بھی متاثر ہوئی ہیں۔
بجلی بحالی کیلئے 10 بجے کی ڈیڈلائن مقرر، بریک ڈاؤن کی تحقیقات کیلئے کمیٹی تشکیل
اس ضمن میں ہم نیوز نے بتایا ہے کہ ٹیلی کام کمپنیوں کے پاس ٹاورز کیلئے تیل کا ذخیرہ بھی ختم ہو گیا ہے جس کی وجہ سے کمپنیوں کو سروسز جاری رکھنے میں سخت مشکلات کا سامنا کرنا پڑ رہا ہے۔
ٹیلی کام انڈسٹری کے ذمہ دار ذرائع نے بتایا ہے کہ صبح ہونے والے بجلی کے بریک ڈاؤن کے بعد سے موبائل نیٹ ورک تنصیبات بیک اپ پاور پر چلائی جارہی ہیں لیکن ان کا زیادہ طویل وقت تک بیک اپ پاور پر نیٹ ورک نہیں چل سکتا ہے۔
بجلی کا بریک ڈاؤن، کراچی، اسلام آباد، لاہور سمیت ملک بھر میں بجلی غائب
اس حوالے سے ٹیلی کام انڈسٹری کے متعلقہ حکام کا کہنا ہے کہ ٹیلی کام سروسز جاری رکھنے کیلئے نیشنل گرڈ سے بجلی کی جلد بحالی ناگزیر ہے۔
