تحریک انصاف کے سینیئر نائب صدر فواد چودھری کا کہنا ہے کہ امید ہے ن لیگ اب انتخابات سے بھاگنے کے لیے الیکشن کمیشن کا استعمال نہیں کرے گی
سابق وفاقی وزیر فواد چودھری کا کہنا ہے کہ ڈر یہ ہے کہ اپنے پارٹنرز کی مدد سے ن لیگ عوام کی عدالت سے بھی مفرور نہ ہو جائے۔
سوشل میڈیا پر جاری ایک پیغام میں انہوں نے لکھا ہے کہ امید ہے کہ ن لیگ انتخابات سے بھاگنے کے لیے خود یا اپنے سبسڈری الیکشن کمیشن کا استعمال نہیں کرے گی۔
امید ہے نون لیگ اب انتخابات سے بھاگنے کیلئے خود یا اپنی سبسڈری الیکشن کمیشن کا استعمال نہیں کرے گی، ڈر یہ ہے کہ اپنے پارٹنرز کی مدد سے نون لیگ عوام کی عدالت سے بھی مفرور نہ ہو جائے ، ان کا پیچھا کیا جائیگا، جمہوریت میں عوام کو حتمی فیصلوں کا اختیار ہے اس حق کو تسلیم کیا جائے
— Ch Fawad Hussain (@fawadchaudhry) December 18, 2022
ان کا کہنا ہے کہ ان کو بھاگنے نہیں دیا جائے گا اور ان کا پیچھا کیا جائے گا۔ جمہوریت میں عوام کو حتمی فیصلوں کا اختیارہے، اس حق کو تسلیم کیا جائے۔
واضح رہے کہ اس سے قبل چیئر مین پی ٹی آئی عمران خان نے 23 دسمبر کو پنجاب اور خیبر پختون خوا کی اسمبلیاں تحلیل کرنے کا اعلان کیا ہے۔
