وزیراعظم شہباز شریف نے کہا ہے کہ آئی ایم ایف پروگرام کی بحالی اہم ہے مگر یہ منزل نہیں۔
سماجی رابطے کی ویب سائٹ پر جاری بیان میں وزیراعظم شہباز شریف نے کہا کہ آئی ایم ایف پروگرام ہماری معیشت کو نئی سمت دینے کےراستے کا تعین کرتاہے۔
آئی ایم ایف پروگرام کی بحالی معیشت کے لئے اہم ہے لیکن یہ منزل نہیں، مرحلہ ہے جو ملک کو معاشی بحالی کے راستے کی طرف لے کر جائے گا۔ معاشی خود انحصاری کے لئے ہمیں دن رات محنت کرنا ہوگی۔ پاکستان کو معاشی زنجیروں کے چنگل سے نجات حاصل کرنا ہوگی جس کا واحد راستہ ڈھانچہ جاتی اصلاحات ہیں۔
— Shehbaz Sharif (@CMShehbaz) August 30, 2022
وزیراعظم نے کہا کہ پاکستان کو خود کفیل بنانے کے لیے ہمیں سخت محنت کرنا ہوگی،ہمیں پاکستان کو معاشی بحران سے نکالنا ہوگا، اصلاحات کے ذریعے ہی معاشی بحران سے ملک کو نکال سکتے ہیں۔۔
