اسلام آباد: سابق وزیراعظم اور چیئرمین پاکستان تحریک انصاف عمران خان نے کہا ہے کہ یوں تو پاکستان 1947 میں ایک آزاد ریاست بنا مگر تبدیلی اقتدارکی ایک بیرونی سازش کے خلاف آزادی کی ازسرنو جدوجہد کا آج نقطہ آغاز ہے۔
شہباز شریف اور شاہ محمود کے کاغذات منظور: وزارت عظمیٰ کیلئے ووٹنگ کل ہو گی
ہم نیوز کے مطابق انہوں نے یہ بات وزارت عظمیٰ سے ہٹنے کے بعد سماجی رابطوں کی ویب سائٹ ’ٹوئٹر‘ پر جاری کردہ اپنے پہلے بیان میں کہی ہے۔
شہباز شریف کےکاغذات پر اعتراضات نہ مانے گئے تو استعفے دیں گے، فواد چودھری
یوں تو پاکستان 1947 میں ایک آزاد ریاست بنا مگر تبدیلئ اقتدار کی ایک بیرونی سازش کیخلاف آزادی کی ازسرِ نو جدوجہد کا آج نکتۂ آغاز ہے۔ ہمیشہ یہ کسی ملک کے عوام ہی ہوا کرتے ہیں جو اپنی خودمختاری اور جمہوریت کا تحفظ و دفاع کرتے ہیں۔
— Imran Khan (@ImranKhanPTI) April 10, 2022
عمران خان نے اپنے ٹوئٹ میں مؤقف اختیار کیا ہے کہ ہمیشہ یہ کسی ملک کے عوام ہی ہوا کرتے ہیں جو اپنی خود مختاری اور جمہوریت کا تحفظ و دفاع کرتے ہیں۔
شہباز، زرداری اور بلاول کا عوامی مفادات پر اتفاق رائے سے چلنے کا عزم
واضح رہے کہ گزشتہ روز قومی اسمبلی میں عمران خان کے خلاف متحدہ اپوزیشن کی پیش کردہ تحریک عدم اعتماد کامیاب ہوئی تھی جس کے بعد وہ وزیراعظم نہیں رہے ہیں۔
قومی اسمبلی سے استعفے دیں گے، چوروں و ڈاکوؤں کے ساتھ نہیں بیٹھ سکتے: شیخ رشید
اس وقت وزارت عظمیٰ کے منصب کے لیے متحدہ اپوزیشن کی جانب سے میاں شہباز شریف اور پی ٹی آئی کی جانب سے مخدوم شاہ محمود قریشی امیدوار ہیں، قومی اسمبلی میں ووٹنگ کل ہو گی۔
