لاہور ٹیسٹ میچ کے چوتھے روز کے اختتام پر پاکستان نے اپنی دوسری اننگز میں بغیر کسی نقصان کے 73 رنز بنا لیے ہیں جب کہ قومی ٹیم کو سیریز اور میچ میں فتح کے لیے مزید 278 رنز درکار ہیں۔
آسٹریلیا نے آج اپنی دوسری اننگز 227 رنز تین کھلاڑی آؤٹ پر ڈیکلیئر کر دی اور میزبان ٹیم کو جیت کے لیے 351 رنز کا ہدف دیا۔
کینگروز کی جانب سے عثمان خواجہ نے ایک مرتبہ پھر شاندار بیٹنگ کا مظاہرہ کیا اور ناقابل شکست 104 رنز بنائے، ڈیوڈ وارنر نے 51 رنز کی اننگز کھیلی۔
اس سے پہلے پاکستان اپنی پہلی اننگز میں 268 رنز پر آؤٹ ہو گئی تھی، جس کے بعد آسٹریلیا کو قومی ٹیم پر 123 رنز کی برتری حاصل ہوئی۔
پاکستان کی جانب سے عبد اللہ شفیق 81، اظہر علی 78 اور بابراعظم 67 رنز بنا کر نمایاں رہے، آسٹریلیا کے کمنز نے پانچ اور اسٹارک نے چار کھلاڑیوں کو آؤٹ کیا۔
اس سے پہلے جب دوسرے کھیلا کا آغاز ہوا تو آسٹریلیا کی ٹیم اپنی پہلی اننگز میں391 رنز بنا کر آوٹ ہو گئی۔
شاہین آفریدی اور نسیم شاہ نے4،4 وکٹیں حاصل کیں، ساجد خان اور نعمان علی ایک ایک وکٹ لینے میں کامیاب ہوئے۔
𝗦𝗶𝗺𝗽𝗹𝘆 𝘀𝗲𝗻𝘀𝗮𝘁𝗶𝗼𝗻𝗮𝗹. The 19-year-old had quite an outing. #BoysReadyHain l #PAKvAUS I @iNaseemShah pic.twitter.com/ohLJZlJ4aA
— Pakistan Cricket (@TheRealPCB) March 22, 2022
🔊Sound ON 🔊@iShaheenAfridi disturbs the stumps and Australia are all out on 391. #BoysReadyHain l #PAKvAUS pic.twitter.com/dL9Q2J0mFk
— Pakistan Cricket (@TheRealPCB) March 22, 2022
آسٹریلوی بلے بازعثمان خواجہ نے سب سے زیادہ 91 رنز بنائے۔اسٹیو اسمتھ نے 59، کیمرون گرین نے79، ایلکس کیری نے 67 رنز جوڑے۔
