کراچی: شہر قائد کے چڑیا گھر میں نایاب نسل کا قیمتی سفید شیر بھوک سے مرگیا ہے؟ یہ سوال میڈیا اور سماجی رابطوں کی ویب سائٹس پر تسلسل کے ساتھ پوچھا جا رہا ہے جب کہ ترجمان بلدیہ عظمیٰ کراچی علی حسن ساجد نے کہا ہے کہ ہلاک ہونے والا شیر گزشتہ کئی دنوں سے بیماراور زیرعلاج تھا۔
بلدیہ عظمیٰ کراچی: ہاکس بے پر واقع ہٹس کے الاٹمنٹ آرڈرز منسوخ
ہم نیوز نے اس ضمن میں میڈیا رپورٹس کے حوالے سے بتایا ہے کہ کراچی کے چڑیا گھر میں قید معصوم جانوروں کو مناسب خوراک فراہم نہیں کی جا رہی تھی کیونکہ کنٹریکٹر سے معاہدہ ختم ہو چکا تھا۔
The key question: Why have registered contractors at #KarachiZoo not been paid since Feb 2021, leading them to suspend food supplies? Were funds allocated for this purpose? pic.twitter.com/Jigi1sYiSo
— Quatrina (@QuatrinaHosain) November 23, 2021
ممتاز صحافی قطرینہ حسین نے بھی اس ضمن میں سماجی رابطوں کی ویب سائٹ ’ٹوئٹر‘ پر جاری کردہ اپنے بیان میں بتایا ہے کہ کراچی کے چڑیا گھر کو جانوروں کے لیے خوراک فراہم کرنے والے کنٹریکٹر نے پیشگی اطلاع دی تھی کہ وہ 22 نومبر سے جانوروں کے لیے خوراک فراہم کرنے کا ذمہ دار نہیں ہوا۔
میڈیا رپورٹ کے مطابق کنٹریکٹر کی جانب سے پیشگی اطلاع ملنے کے باوجود متعلقہ حکام نے جانوروں کے لیے متبادل بندوبست نہیں کیا جس کی وجہ سے بے زبان جانوروں کی حالت نہایت خراب ہو گئی تھی۔
اسلام آباد: چڑیا گھر چلانے کیلئے فنڈز ختم
واضح رہے کہ ہلاک ہونے والے سفید شیر کو 2012 میں افریقہ سے کراچی کے چڑیا گھر میں ایک کروڑ روپے کی خطیر رقم کے عوض لایا گیا تھا۔
We have no right to zoos if this is how we treat animals….Karachi Zoo fails to pay food suppliers….The animals are already in awful shape.
My heart is breaking. Let’s shut down all zoos @murtazawahab1 pic.twitter.com/lBZNFnDqO5— Quatrina (@QuatrinaHosain) November 22, 2021
سماجی رابطوں کی ویب سائٹس پر گزشتہ روز بھی ہلاک ہونے والے نایاب نسل کے شیر کی ویڈیو وائرل ہوئی تھی جس میں وہ انتہائی لاغر دکھائی دے رہا تھا۔ سوشل میڈیا صارفین کی جانب سے گزشتہ روز بھی مطالبہ کیا گیا تھا کہ شیر کی مناسب دیکھ بھال پر توجہ دی جائے اور خوراک کا بندوبست بھی کیا جائے۔
More pics coming in of animal neglect at #KarachiZoo …. denials aren’t going to work. We need authorities to account for this. Please order independent inquiry @BBhuttoZardari https://t.co/SVe1lkVAZ9
— Quatrina (@QuatrinaHosain) November 24, 2021
ہم نیوز کے مطابق بلدیہ عظمیٰ کراچی کے ترجمان علی حسن ساجد نے شیر کی ہلاکت پر کہا ہے کہ چڑیا گھر کا سفید شیر گزشتہ 13 روز سے زیر علاج تھا۔
اسلام آباد چڑیا گھر انتظامیہ کی غفلت، ہاتھی نے رات بارش میں گزاری
انہوں نے اس سلسلے میں بتایا ہے کہ ہلاک ہونے والے شیر کو ٹی بی کا مرض لاحق تھا اور اس کے پھیپھڑوں نے بھی کام کرنا چھوڑ دیا تھا۔
شیر مردوں کے واش روم میں گھس گیا، ویڈیو وائرل
ترجمان بلدیہ عظمیٰ کراچی علی حسن ساجد کے مطابق ایڈمنسٹریٹر کراچی بیرسٹر مرتضیٰ وہاب نے شیر کی ہلاکت پر رپورٹ طلب کرلی اہے۔
