بھارتی فلم انڈسٹری کے اداکار کمال راشد خان پاکستانی ٹیم کو گلی کی ٹیم سے مشابہت دینے پر معافی مانگ لی۔
آئی سی سی مینز ٹی ٹوئنٹی ورلڈ کپ میں بھارت کیخلاف پاکستانی ٹیم کی کارکردگی نےبھارتی کھلاڑیوں کے ساتھ ساتھ بھارتی ناقدین کے بھی چھکے چھڑا دیے۔
پاکستانی ٹیم پر تنقید کرنے والے بھارتی اداکاراور ناقد کمال راشد خان پاک بھارت میچ کے بعد اپنے الفاظ پر معافی مانگنے پر مجبور ہو گئے۔
بھارت کو عبرتناک شکست دینےپر کے آر کے نے ٹوئٹر پر پاکستانی ٹیم کی تعریفوں کے ڈھیر لگا دیے۔ انہوں نے میچ کے بعد کئی ٹویٹس کیں جس میں انہوں نے بھارتی کپتان ویرات کوہلی اور نریندر مودی کو تنقید کا نشانہ بنایا۔
Today’s match is proof that #viratkholi is very bad captain and Indian team is very weak. Therefore India can’t win #ICCT20WorldCup!
— KRK (@kamaalrkhan) October 24, 2021
انہوں نے ٹوئٹر پیغام میں کہا “میں اس ٹیم کو جوہو کی گلیوں کی کرکٹ ٹیم سے ملانے پر معافی چاہتا ہوں”۔
Today, I watched Pakistan team playing after 5-6 years, So I didn’t know that it’s so good. So I am really sorry for comparing it with Juhu Gali team. #IndvsPak #ICCT20WorldCup2021
— KRK (@kamaalrkhan) October 24, 2021
کمال راشد نے اپنی ٹوئٹ میں لکھا کہ آج میں نے پاکستانی ٹیم کو تقریباً پانچ چھ سال بعد کھیلتے دیکھا۔ مجھے نہیں معلوم تھا کہ یہ ٹیم اتنی اچھی کارکردگی پیش کرسکتی ہے۔
انہوں نے جہاں بھارتی کپتان ویرات کوہلی سے استعفیٰ کا مطالبہ کیا ہے وہیں پاکستانی کپتان بابر اعظم کی خوب تعریف کی ہے۔ انہوں نے بابر اعظم کوویرات کوہلی سے بڑا پلیئر قرار دیا ہے۔
I never know that Pakistan’s captain #BabarAzam is 2nd rank ICC T20 player in the world. And 21 years only #ShaheenAfridi is so dangerous bowler. Matlab Babar Is bigger player than #viratkholi. Unbelievable!
— KRK (@kamaalrkhan) October 24, 2021
یاد رہے کہ ٹی ٹوئنٹی ورلڈ کپ کے سب سے بڑے مقابلے میں پاکستان نے بھارت کو 10 وکٹوں سے عبرت ناک شکست دی۔پاکستان نے کپتان بابراعظم اور محمد رضوان کی شاندار بیٹنگ کی بدولت 152 رنز کا ہدف اننگز کے 17.5 اوور میں حاصل کر لیا۔
