وفاقی وزیراطلاعات فواد چودھری نے کہا ہے کہ نئے ڈی جی آئی ایس آئی کی تقرری کا عمل جلد مکمل ہو جائے گا۔
انہوں نے ٹویٹ کیا کہ ایک مخصوص طبقہ اس معاملے پر جو کھیل کھیلنا چاہتا تھا وہ ناکام ہو چکا ہے۔ اب کہا جا رہا ہے وزیر اعظم نئے ڈی جی آئی ایس آئی کیلئے انٹرویو کریں گے۔
فواد چودھری نے کہا کہ ایسی ملاقاتیں عمومی روایت ہے جسے متنازعہ بنانا انتہائی نامناسب ہے۔
نئی DG ISI کی تقرری کا عمل جلد مکمل ہو جائیگا، ایک مخصوص طبقہ اس معاملے پر جو کھیل کھیلنا چاہتا تھا وہ ناکام ہو چکا ہے اب کہا جا رہا ہے وزیر اعظم نئے DGISI کیلئے انٹرویو کریں گے ان عہدوں پر تعیناتی سے قبل ملاقات ایک عمومی روائیت ہے ایسے عمل کو بھی متنازعہ بنانا انتہائ نامناسب ہے
— Ch Fawad Hussain (@fawadchaudhry) October 14, 2021
ویڈیو پیغام میں ان کا کہنا تھا معاملات بالکل ٹھیک ہیں۔ فوج اور حکومت میں کوئی اختلاف نہیں سب ایک پیج پر ہیں۔
شہبازگل نے بھی کہا ہے کہ یہ ایک سنجیدہ معاملہ وزیراعظم صاحب جیسے ہی اس کا فیصلہ کریں گے وزیراطلاعات قوم کو آگاہ کردیں گے۔
گزشتہ روز انہوں نے کہا تھا کہ وزیر اعظم اور آرمی چیف کے درمیان نئے ڈی جی آئی ایس آئی کی تقرری پر مشاورت کا عمل مکمل ہو چکا ہے۔
انہوں نے کہا تھا کہ نئی تقرری کا پراسس شروع ہو چکا ہے۔ ایک بار پھر سول اور فوجی قیادت نے یہ ثابت کیا ہے کہ ملک کے استحکام، سالمیت اور ترقی کیلئے تمام ادارے متحد اور یکساں ہیں۔
ان کا کہنا تھا کہ نئے ڈی جی آئی ایس آئی کی تقرری میں وزیراعظم اتھارٹی ہیں۔ تقرری کیلئے قانونی طریقہ کار اختیار کیاجائے گا۔
