عالمی وبا کورونا وائرس کے سبب دنیا میں متاثر ہونے والوں کی مجموعی تعداد 17 کروڑ 6 لاکھ 29 ہزار سے تجاوز کر گئی جبکہ 35 لاکھ 48 ہزار 616 افراد جان کی بازی ہار چکے ہیں۔
دنیا بھر میں کورونا سے صحت یاب ہونے والوں کی تعداد 15 کروڑ 26 لاکھ سے زائد اور فعال کیسز کی تعداد ایک کروڑ 44 لاکھ 81 ہزار سے زائد ہے۔
امریکہ میں کورونا سے مرنے والوں کی کل تعداد 6 لاکھ 9 ہزار 421 تک پہنچ گئی ہے جبکہ 3 کروڑ 40 لاکھ 35 ہزار سے زائد متاثر ہیں۔
بھارت میں کورونا سے متاثرہ افراد کی تعداد 2 کروڑ 78 لاکھ 94 ہزار سے زائد ہے اور 3 لاکھ 225 ہزار 998 افراد جان کی بازی ہار چکے ہیں۔
برازیل میں کورونا سے متاثرہ افراد کی تعداد ایک کروڑ 64 لاکھ 71 ہزار سے زائد ہو گئی ہے اور 4 لاکھ 61 ہزار سے زائد افراد ہلاک ہوچکے ہیں۔
یہ بھی پڑھیں: کورونا کے آغاز کی تلاش کا عمل سیاست کی نظر ہو رہا، عالمی ادارہ صحت
فرانس میں 56 لاکھ 57 ہزار 572 افراد متاثر اور ایک لاکھ 9 ہزار 358 افراد جان کی بازی ہار چکے ہیں۔ ترکی میں 52 لاکھ 35 ہزار افراد کورونا سے متاثر اور 47 ہزار 271 ہلاک ہو چکے ہیں۔
روس میں 50 لاکھ 53 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد ایک لاکھ 20 ہزار 807 ہے۔ برطانیہ میں 44 لاکھ 80 ہزار سے زائد افراد کورونا سے متاثر ہیں اور ایک لاکھ 27 ہزار 775 اموات ہوچکی ہیں۔
یہ بھی پڑھیں: پاکستان میں بھارتی کورونا کا پہلا کیس سامنے آ گیا
کورونا وائرس کا پہلا کیس 17 نومبر 2019 کو رجسٹرڈ ہوا تھا جس کے بعد 27 جون 2020 کو کیسز کی تعداد ایک کروڑ ہوگئی تھی۔
اعدادوشمار کے مطابق دنیا میں کورونا وائرس کے پہلے پانچ کروڑ کیسز 356 دنوں میں رپورٹ ہوئے تھے جب کہ آخری پانچ کروڑ کیسز صرف اناسی روز میں رجسٹرڈ ہوئے ہیں۔
یہ بھی پڑھیں: 70 فیصد آبادی کو ویکسین لگے بغیر وبا ختم نہیں ہو گی، ڈبلیو ایچ او
24 نومبر کو کورونا کیسز کی تعداد چھ کروڑ ہوئی تھی، دس دسمبر 2020 کو کیسز سات کروڑ تک پہنچ گئے تھے، 25 دسمبر کو کیسز کی تعداد آٹھ کروڑ ہو گئی، 9 جنوری کو کیسز نے نو کروڑ کا ہندسہ عبورکرلیا تھا اور 25 جنوری کو کیسز دس کروڑ سے بڑھ گئے تھے۔
