بھارتی اداکارہ کنگنا رناوت کا کورونا ٹیسٹ مثبت آگیا ہے۔
جاندار اداکاری اور متنازعہ بیانات کی وجہ سے شہرت حاصل کرنے والی اداکارہ کنگنا رناوت نے سوشل میڈیا کے ذریعے کورونا میں مبتلا ہونے کا اعلان کیا۔
کنگنا رناوت نے فوٹو اور ویڈیو شیئرنگ ایپلیکیشن (ایپ) پر اعلان کیا کہ انہوں نے کورونا ٹیسٹ کرایا جو کہ مثبت آیا ہے۔
View this post on Instagram
اداکارہ نے اپنے مداحوں کو پیغام دیا کہ کوویڈ کوئی خاص بیماری نہیں ہے بلکہ وقتی فلو ہے جو انسانوں کی نفسیات پر حملہ کرتا ہے اور میں بہت جلد اس سے صحت یاب ہو جاؤں گی۔
قبل ازیں ٹوئٹر اکاونٹ بند ہونے پر بھارتی اداکارہ کنگنا رناوت نے ردعمل دیتے ہوئے ٹوئٹر پر نسل پرستی کا الزام لگایا تھا۔
انہوں نے کہا تھا کہ “ٹویٹر نے میری بات ثابت کردی ہے کہ وہ امریکی ہیں۔ ایک سفید فام شخص پیدائشی طور پر کسی بھورے شخص کو غلام بنانے کا حق رکھتا ہے اور وہ آپ کو بتانا چاہتے ہیں کہ آپ نے کیا سوچنا ہے، کیا بولنا اور کیا کرنا ہے۔
انہوں نے مزید کہا تھا کہ میرے پاس بہت سے پلیٹ فارمز ہیں جنہیں میں اپنی آواز بلند کرنے کے لیے استعمال کرسکتی ہوں۔ ان پلیٹ فارمز میں ایک سینما بھی ہے جہاں میں اپنے فن کے ذریعے اپنی بات دوسروں تک پہنچا سکتی ہوں۔
