پاکستان مسلم لیگ نواز کی نائب صدر مریم نواز نے کہا ہے کہ حکومت کا کھیل ختم ہو گیا ہے، این اے 75 ڈسکہ میں ری پولنگ سے متعلق الیکشن کمیشن نے چوری پکڑی تو اپیلیں کر رہے ہیں۔
سماجی رابطے کی ویب سائٹ ٹویٹر پر اپنے پیغام میں کہا کہ عوام ساتھ ہیں تو میدان سے بھاگتے کیوں ہو؟ کیا دھاندلی کرنے والے اہلکاروں کو اس لیے تحفظ دیا جا رہا ہے کہ وہ کٹہرے میں تمہارا نام لیں گے۔
انہوں نے کہا کہ الیکشن کمیشن کے فیصلے کو چیلنج کرنا ثابت کرتا ہے کہ تم نے چوری کی ہے۔ ووٹ چوری میں ملوث افسروں کو بچانا ثابت کرتا ہے کہ چوری تمہارے کہنے پر کی گئی۔ دوبارہ الیکشن سے فرار ثابت کرتا ہے کہ تم جانتے ہو عوام تمہاری ضمانتیں ضبط کرائیں گے۔ اللّہ کی لاٹھی بے آواز ہے۔
مزید پڑھیں: حکومت کا ڈسکہ میں ری پولنگ کا حکم چیلنج کرنے کا فیصلہ
الیکشن کمیشن کے فیصلے کو چیلنج کرنا ثابت کرتا ہے کہ تم نے چوری کی ہے۔
ووٹ چوری میں ملوث افسران کو بچانا ثابت کرتا ہے ہے کہ چوری تمہارے کہنے پر کی گئی۔
دوبارہ الیکشن سے فرار ثابت کرتا ہے کہ تم جانتے ہو عوام تمہاری ضمانتیں ضبط کرائے گی! انشاءاللّہ!
اللّہ کی لاٹھی بے آواز ہے!
— Maryam Nawaz Sharif (@MaryamNSharif) February 26, 2021
انہوں نے کہا کہ جسٹس وجیہ الدین نے تحریک انصاف کے پارٹی الیکشن کا پول کھولا تو انہیں پارٹی سے نکال دیا۔
جسٹس وجیہ الدین نے PTI الیکشن کا پول کھولا تو اسے پارٹی سے نکال دیا۔اب الیکشن کمیشن نے چوری پکڑی تو اپیلیں کر رہے ہو؟عوام تمہارے ساتھ ہے تو میدان سے بھاگتےکیوں ہو؟
دھاندلی کرنے والے اہلکاروں کوتحفظ دینے کو اس لیے بے چین ہو کہ وہ کٹہرے میں اگر تمہارا نام لیں گے؟ تمھارا کھیل ختم!— Maryam Nawaz Sharif (@MaryamNSharif) February 26, 2021
