پولیس نے میری گاڑی پر حملہ کیا، مریم نواز

August 11, 2020
شیراز حسنات

لاہور: مسلم لیگ ن کی رہنما مریم نواز نے کہا ہے کہ پولیس نے میری گاڑی پر حملہ کیا۔

مریم نواز نے سماجی رابطے کی ویب سائٹ ٹوئٹر پر لکھا کہ نیب آفس میں پیشی کے موقع پر پولیس نے میری گاڑی پر حملہ کیا پولیس کو شرم آنی چاہیے۔ اگر بلٹ پروف گاڑی نہ ہوتی تو کیا ہوتا۔

انہوں نے کہا کہ پولیس کی جانب سے یہ عمل شرمناک ہے۔

مریم نواز نے اپنے ایک اور ٹوئٹ میں کہا کہ مجھ سے یکجہتی کے لیے آئے پر امن کارکنان پر پولیس کی جانب سے آنسو گیس شیلنگ، لاٹھی چارج اور پتھراؤ کیا گیا جس کی شدید مذمت کرتی ہوں۔

مریم نواز نے اپنی گاڑی کی ایک ویڈیو لگائی جس میں گاڑی کی ونڈ اسکرین کا شیشہ ٹوٹا ہوا دیکھا جا سکتا ہے جس کے بارے میں مریم نواز کا کہنا ہے کہ پولیس کے پتھراؤ سے گاڑی کا شیشہ ٹوٹا۔

یہ بھی پڑھیں نیب آفس کے باہر ہنگامہ آرائی، مریم نواز کی پیشی منسوخ

دوسری جانب صوبائی وزیر اطلاعات فیاض الحسن چوہان نے کہا کہ پتھراؤ کرنے والے پولیس اہلکار نہیں تھے بلکہ وہ مسلم لیگ ن کے ہی کارکنان تھے۔

واضح رہے کہ مسلم لیگ ن کی مرکزی صدر مریم نواز کی پیشی کے موقع پر نیب دفتر کے باہر ہنگائی آرائی ہوئی۔

ابتدائی اطلاعات کے مطابق مسلم لیگ ن کے کارکنوں کا نیب آفس کے باہر سیکیورٹی اہلکاروں سے جھگڑا ہوا اور پولیس کی جانب سے لیگی کارکنوں کو منتشر کرنے کے لیے شیلنگ کی گئی۔

ن لیگ کی قیادت میں سے محمد زبیر اور رانا ثنا اللہ بھی موقع پر موجود تھے اور کارکنان کو روکتے رہے لیکن کسی نے ان کی بات نہیں مانی۔

پتھراؤ کی زد میں آکر ہم نیوز کا ایک کیمرہ مین بھی زخمی ہوا۔ ابتدائی اطلاعات کے مطابق ن لیگ کے 15 سے 20 کارکنان نے نیب آفس میں داخل ہونے کی کوشش کی تھی جن کو پولیس نے روکا۔

پولیس کی جانب سے روکے جانے پر ن لیگی ورکرز نے ہٹ دھرمی دکھائی اور دھکم پیل بھی ہوئی۔ پولیس نے ن لیگی کارکنان کو پیچھے دھکیلنے کیلئے آنسو گیس کا استعمال کیا۔


ٹیگز :
متعلقہ خبریں
لائسنس

شیر، چیتا، ٹائیگر، پیوما اورجیگوار پالنے کیلئے لائسنس بنوانا ضروری
رانا احسان افضل

ملکی معیشت بہتری کی طرف گامزن ہے، رانا احسان افضل
فیصل کنڈی

فوج نکل جائے تو یہ نالائق ایک دو دن صوبے کو کنٹرول نہیں کرسکتے، فیصل کنڈی