واشنگٹن: امریکی صدر ڈونلڈ ٹرمپ نے کہا ہے کہ وہ پاکستانی وزیراعظم عمران خان اور بھارتی وزیراعظم نریندر مودی سے ملاقات کریں گے۔
وائٹ ہاؤس کے باہر صحافی نے امریکی صدر سے بھارتی وزیراعظم مودی سے ملاقات کرنے پر سوال کیا۔
صحافی کا کہنا تھا کہ اگلے ہفتے 50 ہزار لوگوں کے سامنے مودی کے ساتھ ریلی میں خطاب سے دنیا کو کیا پیغام دے رہے ہیں؟
اس کے جواب میں ڈونلڈ ٹرمپ کا کہنا تھا کہ بھارت اور پھر پاکستان دونوں کے وزیر اعظم سے جلد ملاقات کروں گا۔
امریکی صدر کا مزید کہنا تھا کہ مجھے امید ہے ملاقات میں بہت مثبت پیش قدمی ہو گی۔
ڈونلڈ ٹرمپ اس سے قبل بھی کئی مرتبہ پاکستان اور بھارت کے درمیان کشمیر کے مسئلے پر ثالثی کی پیشکش کرچکے ہیں۔
Spoke to my two good friends, Prime Minister Modi of India, and Prime Minister Khan of Pakistan, regarding Trade, Strategic Partnerships and, most importantly, for India and Pakistan to work towards reducing tensions in Kashmir. A tough situation, but good conversations!
— Donald J. Trump (@realDonaldTrump) August 19, 2019
20 اگست کو سماجی رابطے کی ویب سائٹ ٹوئٹر سے جاری اپنے پیغام میں امریکی صدر نے کہا کہ پاکستان اور بھارت سے کشمیر پر کشیدگی کم کرنےکی درخواست کی ہے اور اس حوالے سے بات چیت مثبت رہی۔
انہوں نے کہا کہ دونوں رہنماؤں سے تجارت اور اسٹرٹیجک معاملات پر بھی ان کی بات چیت ہوئی ہے۔
صدر ٹرمپ کا کہنا تھا کہ اگرچہ دونوں ممالک کے درمیان صورتحال بہت خراب ہے لیکن ان کی گفتگو اچھی رہی ہے۔
اس سے قبل ڈونلڈ ٹرمپ نے عمران خان کے دورہ امریکہ کے دوران ہونی والی ملاقات میں مسئلہ کشمیر پر ثالثی کی پیشکش کی تھی۔