اسلام آباد : سابق جرمن سفیر مارٹن کوبلر کی ٹرک آرٹ سے سجی فوکسی گاڑی کو فروخت کرکے ان کی خواہش پر رقم خصوصی افراد کے دو اسکولوں کو عطیہ کردی گئی ہے۔
جرمن سفارت خانے نے سماجی رابطے کی ویب سائٹ پر مارٹن کوبلر کی فوکسی گاڑی کی تصاویر شئیر کیں اور لکھا پورشے اورووکس ویگن ایک ہی کمپنی ہیں اس لیے فوکسی اپنے ہی گروپ میں رہے گی۔
انہوں نے کہا کہ کاروبا ری سماجی ذمہ داری کے تحت ہر سال تین اکتوبر کو اس گاڑی کو دوبارہ آکشن کیا جائے گا اورخیراتی کاموں کے لیے رقم حاصل کی جائے گی۔
Thank you Porche Centre Pakistan for buying Mr.Kobler’s foxy as part of CSR. As @Volkswagen and @Porsche are part of the same company group, the foxy stays within the Volkswagen family! it will be re-auctioned every year on 3rd October as CSR trophy to collect money for charity. pic.twitter.com/nEKjJnHIc4
— German Embassy Islamabad (@GermanyinPAK) April 14, 2019
اس سے پہلے جرمن سفارت خانے نے سوشل میڈیا پر آگاہ کیا تھا کہ آپ کو یاد ہے کہ ہمارے سابق سفیر مارٹن نے اپنی فوکسی کی فروخت سے آنے والے پیسے کو ڈونیشن میں دینے کا فیصلہ کیا تھا۔
ہمارے چارج ڈی افیئرز جینس نے چیک مشال اسکول بری امام اور الفردوس ویلفئیر اسکول بارہ کہو کے حوالے کر دیئے۔ جرمن سفارتخانے نے ان اسکولوں کے لیے نیک خواہشات کا اظہار بھی کیا ہے۔
آپ کو یاد ہے کہ ہمارے سابق سفیر مارٹن نے اپنی فوکسی کی فروخت سے آنے والے پیسے کو ڈونیشن میں دینے کا فیصلہ کیا تھا؟ کل، ہمارے چارج ڈی افیئرز جینس نے چیک @FOParaplegics مشال سکول باری امام اور الفردوس ویلفئیر اسکول باراکہو کے حوالے کر دیئے۔ اپنے کام میں انہیں مزید کامیابی ملے!! pic.twitter.com/Lo5Vp9rEjF
— German Embassy Islamabad (@GermanyinPAK) April 13, 2019
یاد رہے سابق سفیر مارٹن کوبلر پاکستان میں انتہائی مقبول شخصیت بن گئے تھے، وہ مختلف پاکستانی کھانوں کی تعریفیں کرتے اور جہاں جہاں جاتے وہاں لوگوں میں گھل مل جاتے تھے۔
پاکستان سے رخصت ہونے کے بعد جرمن سفارتخانے کی ٹیم نے ان کے ٹوئٹر اکاؤنٹ کو جرمن سفارتخانے کے اکاؤنٹ میں تبدیل کردیا ہے۔
