ابوظہبی کے ولی عہد محمد بن زاید نے وزیراعظم عمران خان اور بھارتی وزیراعظم نریندر مودی کو ٹیلی فون کیا جس کے دوران پاک بھارت کشیدگی کے معاملے پر گفتگو ہوئی۔
محمد بن زاید کا کہنا تھا کہ مسائل کا حل مذاکرات میں ہی ہے۔ انہوں نے خطے میں کشیدگی کم کرنے کے لئے اقدامات کی تجویز دی۔
ان کا مزید کہنا تھا کہ حکمتِ عملی اور بات چیت سے مسائل حل کئے جائیں۔
Mohamed bin Zayed makes telephone calls to Indian and Pakistani prime ministers, stresses importance of dealing wisely with recent developments and giving priority to dialogue and communication.
— محمد بن زايد (@MohamedBinZayed) February 28, 2019
انہوں نے وزیراعظم کو پارلیمنٹ سے بہترین خطاب پر مبارکباد دیتے ہوئے کہا کہ انہوں نے اسٹیٹس مین کے طور پر خطاب کیا۔
محمد بن زاید نے تنازعات کے پرامن حل کے لئے وزیراعظم کے عزم کو سراہا۔
ترک صدر، وزیراعظم کے درمیان ٹیلی فونک رابطہ
ادھر ترک صدر رجب طیب اردوان اور وزیراعظم عمران خان کے درمیان ٹیلی فونک رابطہ ہوا جس کے دوران پاک بھارت کشیدگی کی صورت حال پر بات چیت کی گئی۔
گفتگو کے دوران تنازع کو مذاکرات کے ذریعے حل کرنے کی ضرورت پر ضرور دیا گیا۔ وزیراعظم عمران خان نے ترک صدر کو پاکستان کی امن کے لئے کوششوں سے آگاہ کیا۔
اس موقع پر رجب طیب اردوان نے کہا کہ پاکستان ترکی کا برادرانہ اسلامی ملک ہے۔