بیجنگ: امریکی صدر ڈونلڈ ٹرمپ نے الزام عائد کیا ہے کہ چین امریکی انتخابات پر اثر انداز ہونے کی کوشش کر رہا ہے۔
سماجی رابطے کی ویب سائٹ پر اپنے ایک ٹویٹ میں انہوں نے کہا کہ چین نے کھل کر کہا ہے کہ وہ ہمارے انتخابات پر اثرانداز ہونے کی کوشش کر رہا ہے اور وہ انتخابات کو تبدیل کرنے کے لیے کسانوں، زرعی رقبوں کے مالکان اور صنعتی مزدوروں کو نشانہ بنا رہا ہے کیونکہ وہ میرے ساتھ وفادار ہیں۔
انہوں نے کہا کہ چین یہ بات نہیں سمجھ پا رہا کہ یہ بہت محب الوطن لوگ ہیں اور یہ بات پوری طرح سمجھتے ہیں کہ چین کئی برسوں سے امریکہ سے تجارتی فوائد حاصل کر رہا ہے۔
China has openly stated that they are actively trying to impact and change our election by attacking our farmers, ranchers and industrial workers because of their loyalty to me. What China does not understand is that these people are great patriots and fully understand that…..
— Donald J. Trump (@realDonaldTrump) September 18, 2018
انہوں نے کہا کہ چین کو یہ بھی علم ہے کہ میں وہ واحد آدمی ہوں جو اس سب کو روک سکتا ہے۔
انہوں نے دھمکی دی کہ اگر چین نے ہمارے کسانوں، زرعی رقبوں کے مالکان اور صنعتی مزدوروں کو نشانہ بنایا تو اسے ایک عظیم اور تیز رفتار معاشی جواب کا سامنا کرنا پڑے گا۔
…..China has been taking advantage of the United States on Trade for many years. They also know that I am the one that knows how to stop it. There will be great and fast economic retaliation against China if our farmers, ranchers and/or industrial workers are targeted!
— Donald J. Trump (@realDonaldTrump) September 18, 2018
