امریکی صدر ڈونلڈ ٹرمپ نے وینزویلا کے بعد کولمبیا میں کارروائی کا اشارہ دے دیا۔
فلوریڈا سے واشنگٹن واپسی پرامریکی صدر ٹرمپ نے طیارے میں گفتگو کرتے ہوئے کولمبیا میں ممکنہ کارروائی کا اشارہ دیتے ہوئے کہا کہ کولمبیا ایک بیمار آدمی چلا رہاہے، وہ زیادہ عرصے تک یہ کام نہیں کر سکے گا۔
صدر ٹرمپ کا کہنا تھا کہ انہیں ”آپریشن کولمبیا“ کا نام پسند ہے، انہوں نے واضح کیا کہ وینزویلا میں ابھی حلف اٹھانے والوں سے معاملات طے کیے جا رہے ہیں جبکہ دوسرے حملے کے لیے بھی تیاری موجود ہے لیکن لگتا ہے کہ اس کی ضرورت نہیں پڑے گی۔
امریکی صدر نے کہا کہ اس وقت ان کی توجہ انتخابات کے بجائے وینزویلا کی صورتحال کو درست کرنے پر زیادہ ہے۔ ان کے مطابق وینزویلا میں انتخابات مناسب وقت پر کرائے جائیں گے۔
صدر ٹرمپ نے مزید بتایا کہ وینزویلا میں ہونے والی کارروائی کے دوران زخمی ہونے والے تمام امریکی فوجی اچھی حالت میں ہیں۔
وینزویلا کے صدر مادورو کو فوری رہا کیا جائے، چین کا امریکا سے مطالبہ
امریکی صدر کے ان بیانات نے خطے میں سیاسی اور سفارتی حلقوں میں تشویش پیدا کر دی ہے جبکہ کولمبیا اور وینزویلا کی صورتحال پر عالمی برادری کی نظریں مرکوز ہیں۔
