پی ٹی آئی کے رہنما بیرسٹر گوہر خان نے کہا ہے کہ تحریک انصاف پارلیمنٹ کا حصہ بنے گی۔
میڈیا سے گفتگو کرتے ہوئے انہوں نے کہا کہ پارلیمان کی بالادستی پر یقین رکھتے ہوئے پارلیمانی کردار ادا کریں گے،ہم چاہتے ہیں پاکستان کی معیشت بہتری کی طرف جائے ،ایسا کوئی قدم نہیں اٹھائیں گے جس سے معیشت کو نقصان ہو۔
متحدہ عرب امارات ، عیدالفطر کی تعطیلات کا اعلان کردیا گیا
بیرسٹر گوہر نے اعلان کیا کہ انٹراپارٹی الیکشن میں عمر ایوب سیکریٹری جنرل کے امیدوار ہوں گے ، چیئرمین پی ٹی آئی کے عہدے کیلئے علی ظفر ہمارے امیدوار ہوں گے ۔
اس موقع پر بیرسٹر علی ظفرکا کہنا تھا کہ پاکستان تحریک انصاف نے آئی ایم ایف کو خط لکھنے کا فیصلہ کیا ہے۔ بانی چیئرمین کی جانب سے آئی ایم ایف کو خط جاری ہوگا۔
آئی ایم ایف سے کہیں گے کہ اگر بات چیت کرنی ہے تو انتخابات میں دھاندلی کا آڈٹ ہو، آزادانہ آڈٹ کے بعد آئی ایم ایف بات چیت کرے، اس کے بغیر کوئی قرضہ دیا گیا تو ملک کیلئے اچھا نہیں ہوگا۔
25 فروری سے بارشوں، ژالہ باری اور برفباری کا نیا سلسلہ متوقع
قبل ازیں پاکستان تحریک انصاف (پی ٹی آئی) نے انٹرا پارٹی انتخابات 3 مارچ کو کرانے کا اعلان کردیا۔
پی ٹی آئی کی طرف سے انٹرا پارٹی الیکشنز کیلئے شیڈول کا اعلان کردیا گیا جس کے مطابق پولنگ 3 مارچ کو ہوگی۔ انتخابات کیلئے کاغذات نامزدگی 23 اور 24 فروری کو جمع کرائے جاسکتے ہیں۔
حضرت لعل شہبازقلندر کا سالانہ عرس ، 29 فروری کو عام تعطیل کا اعلان
شیڈول کے مطابق پی ٹی آئی انٹرا پارٹی انتخابات کیلئے اسکروٹنی 25 فروری کو ہوگی۔ کاغذات نامزدگی پر فیصلے 27 فروری تک ہوں گے۔ پولنگ کا عمل 3 مارچ کو کرایا جائے گا۔
پی ٹی آئی انٹرا پارٹی الیکشنز کیلئے پولنگ سنٹرل آفس سمیت چاروں صوبائی سیکریٹریٹ میں ہوگی۔
