ڈیوٹی سول جج راولپنڈی غلام مصطفیٰ راولپنڈی نے سابق وفاقی وزیر فواد چوہدری کو فراڈ کیس میں ایک دن کے جسمانی ریمانڈ پر محکمہ اینٹی کرپشن کے حوالے کرتے ہوئے کل متعلقہ عدالت پیش کرنے کا حکم دیا ہے۔
فواد چوہدری کو پولیس بکتر بند گاڑی میں جیل سے جوڈیشل کمپلیکس لایا گیا۔ محکمہ اینٹی کرپشن تفتیشی ٹیم نے 5 دن کا جسمانی ریمانڈ طلب کرتے ہوئے کہا کہ ملزم نے اپنے فرنٹ مین کزن فوق شیراز کے ذریعے دینہ جی ٹی روڈ پر نجی ہاؤسنگ سوسائٹی کو این او سی دلوانے اور اراضی کلیئر کرانے کے لیے بھاری رقم وصول کی، وہ 35 لاکھ روپے کی رقم برآمد کرنا ہے۔
بعد ازاں عدالت نے فواد چودھری کا ایک روزہ جسمانی ریمانڈ منظور کرتے ہوئے کل متعلقہ عدالت میں پیش کرنے کا حکم دیدیا۔
