مراکش میں زلزلے سے قبل فضاوں میں پُراسرار نیلی روشنی نمودار ہونے کی ویڈیو منظر عام پر آنے کے بعد کئی سوالات نے جنم لینا شروع کردیا، زلزلے سے متعلق مختلف افواہیں گردش کرنے لگیں۔
غیر ملکی خبر رساں ادارے کے مطابق گزشتہ دنوں مراکش میں تباہ کن زلزلے سے کچھ لمحات پہلے کی ایک ویڈیو سوشل میڈیا پر وائرل ہوئی۔ یہ ویڈیو مراکش کے شہر اگادیر میں آئے زلزلے کی ہے جہاں سی سی ٹی وی کیمرے کے ذریعے ان خوفناک لمحات کو محفوظ کرلیا گیا۔
وائرل ہونے والی ویڈیو میں دیکھا جاسکتا ہے کہ زلزلے سے پہلے آسمان پر ایک پُراسرار نیلی روشنی چمکتی ہے۔ جونہی روشنی نمودار ہوتی ہے زمین جھولنا شروع کردیتی ہے۔
أحد الأخوان من المغرب الشقيق أرسل لي هذا المقطع الغريب من كاميرا مراقبة لمنزله في مدينة أغادير لحظة وقوع الزلزال…
ظهرت ومضات ضوء زرقاء غامضة في الأفق ولا أحد يعرف ماهي.
مع العلم أن هذه الأضواء ظهرت نفسها لحظة وقوع زلزال تركيا وسوريا قبل 7 أشهر.
هل يوجد لدى أحد تفسير؟ pic.twitter.com/q845XXSlYu
— إياد الحمود (@Eyaaaad) September 9, 2023
زلزلے سے قبل آسمان پر نیلی روشنی نمودار ہونا حیرت انگیز ضرور ہے لیکن یہ کوئی پہلا واقعہ نہیں۔ اس سے پہلے بھی رواں سال فروری میں ترکیہ میں آنے والے تباہ کُن زلزلے سے پہلے بھی سرویلنس کیمروں نے اسی طرح کی روشنی ریکارڈ کی تھی۔
Footage of strange lights and flashes seen in the Turkish sky before the #earthquake (which has been noticed before other artificial earthquakes). Considering that NATO was furious with Turkey and had threatened the country with "dire consequences".
*…. pic.twitter.com/gdyGoot7UF— aurthurmorgan! (@BasitRauf18) February 9, 2023
اس پُراسرا روشنی کے حوالے سے اس وقت مختلف قیاس آرائیاں جاری ہیں لیکن ناسا کے ایمز ریسرچ سینٹر سے وابستہ فلکیاتی طبیعیات دان فریڈمین فرائیڈ نے اس کی وضاحت کی ہے۔
انکے مطابق ان روشنیوں کے 65 واقعات کے گہرائی سے کیے گئے تجزیے سے یہ بات سامنے آئی کہ یہ روشنیاں اس وقت پیدا ہوتی ہیں جب زمین کے نیچے موجود بیسالٹ اور گیبرو جیسی مخصوص قسم کی چٹانوں کے اندر برقی چارجز فعال ہوتے ہیں۔
خیال رہے کہ گزشتہ دنوں مراکش میں آنے والے خوفناک زلزلے میں ہلاکتوں کی تعداد 2 ہزار سے تجاوز کر گئی ہے جبکہ سیکڑوں افراد زخمی ہیں۔ ایک ہفتے بعد بھی ریسکیو اور بحالی کا عمل جاری ہے۔
