میٹا کی جانب سے واٹس ایپ صارفین کیلئے وائس چیٹ کا نیا فیچر لانچ کردیا گیا جس کے ذریعے اب صارفین دیگر گروپ ممبران کے ساتھ باآسانی گفتگو کرسکیں گے۔
واٹس ایپ سے متعلق معلومات نشر کرنے والی ویب سائٹ ’ڈبلیو اے بیٹا انفو‘ کے مطابق واٹس ایپ نے اینڈرائیڈ بیٹا پر گروپ گفتگو کیلئے نیا وائس چیٹ فیچر متعارف کرایا ہے۔ بیٹا ورژن میں صارفین کو اب گروپ چیٹ کے اندر آڈیو پیغام کیلئے ‘ویو’ کا آئیکن نظر آئے گا۔
ویو فارم آئیکن پر کلک کرنے سے آڈیو چیٹ خود بخود شروع ہوجائے گی جس سے گروپ میں موجود تمام ممبران کسی بھی وقت اس چیٹ میں شامل ہوسکتے ہیں۔ اگر 60 منٹ کے اندر اندر کوئی بھی اس چیٹ کا حصہ نہیں بنتا تو یہ وائس چیٹ خود بخود ختم ہوجائے گا۔
واٹس ایپ نے شاندار فیچر متعارف کروا دیا
میٹا کے مطابق کوئی بھی گروپ ممبر نئی آڈیو گفتگو شروع کرسکتا ہے، نیا وائس چیٹ فیچر فی الحال مخصوص گروپس کیلئے دستیاب ہے۔ یہ فیچر فی الوقت 32 سے زیادہ ممبران والے گروپس کیلئے دستیاب ہے۔
📝 WhatsApp beta for Android 2.23.16.19: what's new?
WhatsApp is rolling out voice chats, a new feature to communicate in your groups, and it’s available to some beta testers!https://t.co/FxlDMc22HX pic.twitter.com/eBUnDVaeBE
— WABetaInfo (@WABetaInfo) August 6, 2023
اس فیچر کا سب سے بڑا فائدہ یہ ہے کہ صارفین کو گروپ میں موجود ہر شخص کے فون کی گھنٹی بجائے بغیر کال شروع کرنے کی سہولت حاصل ہوگی۔ گروپ میں کسی ممبر کی طرف سے وائس چیٹ کا آغاز کیا جائے گا تو ہر ممبر کو آئیکن چیٹ لسٹ میں وائس چیٹ کی نمائندگی کرنے والا ایک چھوٹا سا تھمب نیل نظر آئے گا۔
