پی ڈی ایم قیادت نے نگران وزیراعظم کے لیے مشاورت شروع کر دی ہے ، نگران وزیراعظم کے لیے مختلف ناموں پر غور کیا جا رہا ہے۔
اس سے پہلے حکومتی اتحاد میں الیکشن کے حوالے سے اختلاف رائے سامنے آیا تھا۔ پیپلز پارٹی وقت پر الیکشن جبکہ مولانا فضل الرحمان موجودہ اسمبلیوں میں ایک سال کی توسیع کے خواہشمند تھے تاہم اب حکومتی اتحاد میں اس حوالے سے معاملات طے ہوگئے ہیں جس کے بعد نگران وزیراعظم کے تقرر کے لیے پی ڈی ایم قائدین نے مشاورت شروع کر دی ہے۔
حکومتی ذرائع نے بتایا ہے کہ موجودہ اسمبلی کی آئینی مدت پوری ہونے پر نگران وزیراعظم کو ذمے داری سونپ دی جائے گی ۔
نگران وزیراعظم کیلئے اتحادی حکومت میں مشاورت ہوگی، احسن اقبال
ذرائع نے مزید بتایا کہ حکومتی اتحاد کے رہنماؤں کے مابین ہونے والی مشاورت میں نگراں وزیراعظم کے لئے کئی نام زیر غور ہیں ، اتفاق ہونے کی صورت میں یہ نام سامنے لائے جائیں گے۔
