لندن: برطانیہ کے وزیر برائے بین الاقوامی ماحولیات زیک گولڈ اسمتھ نے اپنے عہدے سے استعفٰی دے دیا ہے، وہ جمائما گولڈ اسمتھ کے بھائی ہیں۔
برطانیہ کا 10 پاؤنڈ میں وزٹ ویزے کا اجرا
برطانوی خبر رساں ایجنسی روئٹرز کے مطابق زیک گولڈ اسمتھ نے اس حوالے سے مؤقف اختیارکیا ہے کہ برطانیہ ماحولیات پر عالمی قیادت کے کردار کے لیے اپنا دعویٰ کھو چکا، وزیراعظم رشی سونک ماحولیاتی مسائل میں دلچسپی نہیں رکھتے ہیں۔
واضح رہے کہ زیک گولڈ اسمتھ کو سابق برطانوی وزیراعظم بورس جانسن کا اتحادی سمجھا جاتا ہے، وہ وزیراعظم رشی سونک کے بھی مخالف تصور کیے جاتے ہیں۔
برطانیہ میں گھروں کی قیمتیں گرِ گئیں
انہوں نے اس حوالے سے کہا ہے کہ مسئلہ یہ نہیں ہے کہ حکومت ماحول دشمن ہے بلکہ مسئلہ یہ ہے کہ ہمارے وزیراعظم دلچسپی نہیں رکھتے ہیں۔
It has been a privilege to have been able to make a difference to a cause I have been committed to for as long as I remember. But this govt’s apathy in the face of the greatest challenge we face makes continuing in my role untenable. Reluctantly I am therefore stepping down pic.twitter.com/KDJKN3i6ER
— Zac Goldsmith (@ZacGoldsmith) June 30, 2023
زیک گولڈ اسمتھ کی جانب سے دیے جانے والے استعفے پر برطانوی وزیراعظم کے دفتر نے ابھی تک کوئی ردعمل نہیں دیا ہے۔
برطانیہ کی نئی ویزہ پالیسی، بین الاقوامی طلبہ پر پابندیاں عائد کرنیکا منصوبہ
زیک گولڈ اسمتھ نے سماجی رابطوں کی ویب سائٹ ’ٹوئٹر‘ پر اس حوالے سے بیان بھی جاری کردیا ہے۔
