اسلام آباد: این ڈی ایم اے کے ترجمان ادریس محسود نے کہا ہے کہ سمندری طوفان بائپر جوائے تقریبا 14/ 15 جون کو پاکستان پہنچے گا، طوفان شمال مشرق کی جانب بڑھ رہا ہے۔
سمندری طوفان بائپر جوائے کراچی کے جنوب سے 840 کلومیٹر دور، محکمہ موسمیات
ترجمان این ڈی ایم اے کے مطابق بائپرجوائے اس وقت سخت ترین طوفان کی شکل اختیار کر چکا ہے، طوفان اس وقت مشرقی بحرہ عر ب میں موجود ہے، طوفان کی وجہ سے تیز ہوائیں اور بارشیں ہو سکتی ہیں۔
این ڈی ایم اے کے ترجمان نے خبردار کرتے ہوئے کہا ہے کہ بائپر جوائے کی وجہ سے سمندری لہریں تقریبا 12 فٹ اونچائی تک ہماری ساحلی پٹی سے ٹکرا سکتی ہیں۔
ترجمان کے مطابق طوفان ہائپر جوائے کی مسلسل مانیٹر کر رہے ہیں، تمام متعلقہ اداروں کے ساتھ میٹنگز بھی کر رہے ہیں۔
خیبرپختونخوامیں آندھی اور طوفان،22 افراد جاں بحق، بنوں زیادہ متاثر
این ڈی ایم اے کے ترجمان ادریس محسود نے واضح طور پر کہا ہے کہ بائپر جوائے کی وجہ سے کراچی، حیدرآباد، ٹنڈو الہیاراور میر پور خاص میں تیز ہوائیں چل سکتی ہیں، ساحلی علاقوں کی آبادیوں کو وارننگ جاری کی ہے۔
